କାନାଡାରେ ବିମାନ ଦୁର୍ଘଟଣା । ୨ଭାରତୀୟ ଟ୍ରେନିଂ ପାଇଲଟ ମୃତ

କାନାଡାରେ ଭୟଙ୍କର ବିମାନ ଦୁର୍ଘଟଣା ଘଟିଛି । ଏହି ବିମାନ ଦୁର୍ଘଟଣାରେ ଦୁଇଜଣ ଭାରତୀୟ ଟ୍ରେନିଂ ପାଇଲଟଙ୍କ ଜୀବନ ଚାଲିଯାଇଥିବା ସୂଚନାରୁ ଜଣାପଡିଛି । ଏହି ଦୁଇ ଭାରତୀୟ ମୁମ୍ବାଇ ନିବାସୀ ଥିଲେ । ଜଣଙ୍କର ନାଁ ଅଭୟ ଏବଂ ଅନ୍ୟ ଜଣଙ୍କ ନାଁ ୟଶ ବିଜୟ ବୋଲି ଜଣାପଡିଛି ।

ସୂଚନା ଅନୁସାରେ, ଏହି ଦୁର୍ଘଟଣା ବ୍ରିଟିସ୍ କଲୋମ୍ବିଆ ନିକଟସ୍ଥ ବ୍ୟାକୁବରଠୁ ପ୍ରାୟ ୧୦୦ କିମି ଦୂରରେ ଘଟିଛି । ସେଠିରେ ଥିବା ଏକ ଛୋଟ ବିମାନ ବନ୍ଦର ନିକଟରେ ଦୁର୍ଘଟଣା ଘଟିଛି । ଯେଉଁଥିରେ ଦୁଇ ଟ୍ରେନିଂ ପାଇଲଟଙ୍କ ମୃତ୍ୟୁ ହୋଇଛି । ଏହି ଦୁର୍ଘଟଣାରେ ଆଉ ଜଣଙ୍କର ମୃତ୍ୟୁ ମଧ୍ୟ ହୋଇଛି । ଦୁଇ ଭାରତୀୟ ଟ୍ରେନିଂ ପାଇଲଟଙ୍କ ସମେତ ୩ଜଣଙ୍କ ମୃତ୍ୟୁ ହୋଇଛି ।

ତେବେ ଏହି ଦୁର୍ଘଟଣା କେମିତି ଘଟିଲା ତାହା ଏବେ ଯାଏଁ ସ୍ପଷ୍ଟ ହୋଇପାରିନି । କାନାଡା ପୁଲିସ ଅଧିକାରୀଙ୍କ କହିବା ଅନୁସାରେ, ଦୁଇ ଇଞ୍ଜିନ୍ ବିଶିଷ୍ଟ ଏହି ହାଲକା ବିମାନ ଗଛରେ ଧକ୍କା ହେବା କାରଣରୁ ଦୁର୍ଘଟଣାଗ୍ରସ୍ତ ହୋଇଛି । ଯାଞ୍ଚ କରିବା ପାଇଁ ଘଟଣାସ୍ଥଳକୁ ଏକ ଟିମ୍ ପଠାଯାଇଛି । ଦୁର୍ଘଟଣାର କାରଣ ଖୁବ୍ ଶୀଘ୍ର ଜଣାପଡିବ ବୋଲି ଆଶା କରାଯାଉଛି ।