ବିନା ‘କଳା’ରେ କୋଣାର୍କ । ଲୁହା ଭାରା ହଟିବା ପରେ ଶ୍ରୀହୀନ ଲାଗୁଛି ବ୍ଲାକ୍ ପାଗୋଡ଼ା, କାରୁକାର୍ଯ୍ୟପୂର୍ଣ୍ଣ ପଥର ସ୍ଥାନରେ ଖଂଜା ଯାଇଛି ସାଧା ପଥର ।
କନକ ବ୍ୟୁରୋ : ଆପଣ ଏବେ କୋଣାର୍କ ଗଲେ ବିନା କଳା ଓ କାରୁକାର୍ଯ୍ୟର କୋଣାର୍କ ଦେଖିବାକୁ ପାଇବେ । କାରଣ ଲୁହା ବିମ୍ ଗୁଡିକୁ ହଟାଯାଇ ଏବେ ସେହି ସ୍ଥାନରେ ସାଧା ପଥର ଲଗାଯାଇଛି । ଓଡିଶାର କାରୁକାର୍ଯ୍ୟ ସମ୍ପନ୍ନ ଇତିହାସର ଏହି ମୁକସାକ୍ଷୀ କୋଣାର୍କ ସୂର୍ଯ୍ୟ ମନ୍ଦିର ବୋଧହୁଏ ଆଉ କିଛି ବର୍ଷ ପରେ ସାଧା ପଥରର ମନ୍ଦିର ପାଲଟିଯିବ ।
Kanak News is now on WhatsApp
Join and get latest news updates delivered to you via WhatsApp
ଯେଉଁଠି ଦିନେ ପଥର ଜୀବନ ପାଇଥିଲା, ସେଇ କୋଣାର୍କରେ ହୁଏତ ଆଉ ଜୀବନ ନାହିଁ, ଅଛି କେବଳ ପଥର । ଧିରେ ଧିରେ କୋଣାର୍କ ହରାଇଛି ତାର ଦୁର୍ଲଭ କାରୁକାର୍ଯ୍ୟ । ଦୁରରୁ ଦେଖାଯାଉଥିବା ବ୍ଲାକ୍ ପାଗୋଡ଼ା ଏବଂ ପାଖରୁ ଦେଖାଯାଉଥିବା ଐତିହ୍ୟ ଭିତରେ ଆକାଶ-ପାତାଳ ଫରକ୍ । କାରୁକାର୍ଯ୍ୟ ପୂର୍ଣ୍ଣ ଚିତ୍ର ଓ ମୁର୍ତ୍ତି ବଦଳରେ ଖଂଜି ଦିଆଯାଇଛି ସାଧା ପଥର । ଆଉ ଯେତେବେଳେ ଭାରତୀୟ ସର୍ବେକ୍ଷଣ ସଂସ୍ଥା ଏଏସଆଇ ପକ୍ଷରୁ ମନ୍ଦିରର ଚାରିକଡ଼ରେ ଲାଗିଥିବା ଲୁହା ଭାରା ହଟାଇ ଦିଆଯାଇଛି, ସେତେବେଳେ ଆହୁରି ସ୍ପଷ୍ଟ ଦେଖାଯାଉଛି ସାଧା ପଥର । ଆଉ ଏତିକି ବେଳେ ପର୍ଯ୍ୟଟକ ପ୍ରଶ୍ନ କରୁଛନ୍ତି, କୋଣାର୍କରେ ଆଉ ଦେଖିବାକୁ ଅଛି କ’ଣ ?
କାରୁକାର୍ଯ୍ୟକୁ ନେଇ କୋଣାର୍କ । ଆଉ ଯେତେବେଳେ କାରୁକାର୍ଯ୍ୟପୂର୍ଣ୍ଣ ପଥର ବଦଳରେ କେବଳ ସାଧା ପଥର ଖଂଜି ଦିଆଯିବ ତେବେ ରହିବ କ’ଣ ? ହୁଏତ, କେବଳ ସ୍ମାରକୀ ପାଲଟିଯିବ ଓଡ଼ିଶାର ଐତିହ୍ୟସଂପନ୍ନ ପର୍ଯ୍ୟଟନ ସ୍ଥଳ । ଆଉ ଠିକ୍ ସେହି କଥା ହିଁ ପଚାରୁଛନ୍ତି ଦୂରଦୂରାନ୍ତରୁ କୋଣାର୍କ ଆସୁଥିବା ପର୍ଯ୍ୟଟକ ।
ଐତିହ୍ୟସ୍ଥଳର ସଂରକ୍ଷଣରେ ସମସ୍ୟାକୁ ଦୃଷ୍ଟିରେ ରଖି ହାଇକୋର୍ଟ ଆମିକସ୍ କ୍ୟୁରି ନିଯୁକ୍ତ କରିଥିଲେ । ଆଉ ଆମିକସ୍ କ୍ୟୁରିଙ୍କ ଅନୁଧ୍ୟାନ କରି କେନ୍ଦ୍ରୀୟ ରିପୋର୍ଟ ଅନୁଯାୟୀ କୋଣାର୍କରୁ ଲୁହା ପାଇପ୍ ମୁକ୍ତ କରି କଳଙ୍କ ପ୍ରତିରୋଧ ବିଗ୍ ଲଗାଇବାର ପ୍ରକ୍ରିୟା ଆରମ୍ଭ ହୋଇଛି । ହେଲେ କାରୁକାର୍ଯ୍ୟପୂର୍ଣ୍ଣ ମୁର୍ତି ଓ ପଥର ବଦଳରେ ସାଧା ପଥର ଲାଗିଥିବାରୁ ଏହା ପର୍ଯ୍ୟଟକଙ୍କୁ ନିରାଶ୍ କରିଛି ।