କନକ ବ୍ୟୁରୋ : କରୋନାରେ ଆଖି ବୁଜିଲେ କ୍ରିକେଟର ପୀୟୁଷ ଚାୱାଲଙ୍କ ବାପା । ଆଜି ସକାଳୁ ପୀୟୁଷଙ୍କ ବାପା ପ୍ରମୋଦ କୁମାରଙ୍କ ଦେହାନ୍ତ ହୋଇଛି । ଏନେଇ ଟ୍ୱିଟ୍ କରି ସୂଚନା ଦେଇଛି ମୁମ୍ବାଇ ଇଣ୍ଡିଆନ୍ସ । ଏଭଳି କଠିନ ସମୟରେ ପୀୟୁଷ ଓ ତାଙ୍କ ପରିବାର ସହ ଦଳ ରହିଛି । ସେହିଭଳି ପୀୟୁଷ ଚାୱାଲା ମଧ୍ୟ ବାପାଙ୍କ ମୃତ୍ୟୁ ନେଇ ଇନଷ୍ଟାଗ୍ରାମରେ ସୂଚନା ଦେଇଛନ୍ତି । ବାପାଙ୍କ ମୃତ୍ୟୁରେ ଦୁଃଖ ପ୍ରକାଶ କରିବା ସହ ପୀୟୁଷ କହିଛନ୍ତି, ଆପଣଙ୍କ ବିନା ଆଉ ଜୀବନ ପୂର୍ବଭଳି ରହିବନି ।
Kanak News is now on WhatsApp
Join and get latest news updates delivered to you via WhatsApp
ଚଳିତ ଆଇପିଏଲରେ ମୁମ୍ବାଇ ଟିମରେ ସାମିଲ ହୋଇଥିଲେ ପୀୟୁଷ । ତେବେ ଟୁର୍ଣ୍ଣାମେଣ୍ଟ ସ୍ଥଗିତ ହେବା ପୂର୍ବରୁ ୭ଟି ମ୍ୟାଚ୍ ଖେଳାଯାଇଥିଲେ ମଧ୍ୟ କୌଣସି ମ୍ୟାଚରେ ଖେଳିବାକୁ ସୁଯୋଗ ପାଇନଥିଲେ ପୀୟୁଷ । ଏହାପୂର୍ବରୁ ଆଇପିଏଲରେ ବିଭିନ୍ନ ଦଳ ପକ୍ଷରୁ ଖେଳି ସାରିଛନ୍ତି ପୀୟୁଷ । ତେବେ କୋଲକାତା ଟିମ ପକ୍ଷରୁ ଖେଳୁଥିବା ବେଳେ ବେଶ ପ୍ରଭାବୀ ପ୍ରଦର୍ଶନ କରିଥିଲେ ପୀୟୁଷ । ଏପରିକି ୨୦୧୪ରେ କୋଲକାତା ଟିମ୍ ଚାମ୍ପିୟନ ହୋଇଥିବା ବେଳେ ପୀୟୁଷ ଦଳର ସଦସ୍ୟ ରହିଥିଲେ । ତେବେ ୨୦୧୯ରେ ତାଙ୍କୁ ରିଲିଜ୍ କରି ଦେଇଥିଲା କେକେଆର । ତେବେ ୨୦୨୦ରେ ଚେନ୍ନାଇ ସୁପର କିଙ୍ଗସ ତାଙ୍କୁ ଦଳରେ ସାମିଲ କରିଥିଲା । କିନ୍ତୁ ତାହା ଥିଲା ମାତ୍ର ଗୋଟିଏ ବର୍ଷ ପାଇଁ । ଚଳିତଥର ନିଲାମୀରେ ପୀୟୁଷଙ୍କୁ କିଣିଥିଲା ମୁମ୍ବାଇ ।
Our thoughts go out to Piyush Chawla who lost his father, Mr. Pramod Kumar Chawla this morning.
We are with you and your family in this difficult time. Stay strong. pic.twitter.com/81BJBfkzyv
— Mumbai Indians (@mipaltan) May 10, 2021
ଏହାପୂର୍ବରୁ ରାଜସ୍ଥାନ ରୟାଲ୍ସର ଦ୍ରୁତ ବୋଲର ଚେତନ ସକାରିଆଙ୍କ ବାପାଙ୍କର ମଧ୍ୟ କରୋନାରେ ମୃତ୍ୟୁ ହୋଇଥିଲା । କରୋନାରେ ସଂକ୍ରମିତ ହୋଇ ଦୀର୍ଘ ଦିନ ଧରି ଚିକିତ୍ସିତ ହେବା ପରେ କରୋନାରେ ପ୍ରାଣ ହରାଇଥିଲେ ଚେତନଙ୍କ ବାପା ।