ପିପିଲିରେ ପ୍ରଚାର ବେଳେ ସାମ୍ନାକୁ ଆସିଲା ଲୋକଙ୍କ ଅସନ୍ତୋଷ : କହିଲେ, ଆମ ଅସୁବିଧା ବୁଝ, ନହେଲେ ଭୋଟ ମାଗିବାକୁ ଆସନାହିଁ
କନକ ବ୍ୟୁରୋ : ପିପିଲି ଉପନିର୍ବାଚନ ପାଇଁ ଜମୁଛି ପ୍ରଚାର । ୧୭ ତାରିଖରେ ଉପନିର୍ବାଚନ ହେବାକୁ ଥିବାବେଳେ ଗୁରୁବାର ସନ୍ଧ୍ୟାରେ ପ୍ରଚାର ସରିବ । ଆଉ ଏହାରି ଭିତରେ ଜନ ଅସନ୍ତୋଷ ଦେଖାଦେଇଛି । ଆମ ଅସୁବିଧା ବୁଝ, ନହେଲେ ଭୋଟ ମାଗିବାକୁ ଆସନାହିଁ । ଏମିତି କିଛି ଦାବି ନେଇ ଅଭିନବ ପ୍ରତିବାଦ କରିଛନ୍ତି ପିପିଲି ନିର୍ବାଚନମଣ୍ଡଳୀ ଚାଇଁପୁର ପଂଚାୟତ ଶଢାଗଁଇ ଗାଁ ଲୋକେ ।
Kanak News is now on WhatsApp
Join and get latest news updates delivered to you via WhatsApp
ପିପିଲି ଉପନିର୍ବାଚନ ପାଇଁ ଚ୍ଚାର ଜୋରଦାର ଚାଲିଥିବାବେଳେ ଲୋକଙ୍କ ଅସନ୍ତୋଷ ଦେଖି ଏହି ଗାଁକୁ ପ୍ରଚାରକୁ ଆସିନାହାନ୍ତି ନେତା ଓ ମନ୍ତ୍ରୀ । ଫନି ମହାବାତ୍ୟାରେ କ୍ଷତିଗ୍ରସ୍ତ ହୋଇଥିବା ଏହି ଗାଁରେ ଲୋକେ ଅଭିଯୋଗ କରିଛନ୍ତି ଯେ, ତାଙ୍କୁ କୌଣସି ପ୍ରକାରର ବାତ୍ୟା ସହାୟତା ମିଳିନାହିଁ । ଏହାସହ ସରକାରୀ ସୁବିଧା ମିଳୁନଥିବା ବି ସେମାନେ ଅଭିଯୋଗ ଆଣିଛନ୍ତି ।