ଆକାଶେ କି ରଙ୍ଗ ଲାଗିଲା… ‘ବୁଲବୁଲ’ ପାଇଁ ବଦଳିଗଲା ସାରା ଆକାଶର ରଙ୍ଗ । ଆଙ୍କି ହୋଇଗଲା ଗୋଲାପୀ ଗୋଲାପୀ ଚିତ୍ର
କନକ ବ୍ୟୁରୋ: ପ୍ରେମର ରଙ୍ଗ ଗୋଲାପି… ପୀରତିର ରଙ୍ଗ ଗୋଲାପି । ଗୋଲାପି ଗୋଟେ ଆକର୍ଷଣର ନାଁ, ନିଜ ମନର କଥାକୁ ଅନ୍ୟକୁ କହିବାର ଏକ ସୁନ୍ଦର ବାହାନା । ଗୋଲାପି ଫଗୁଣରେ ଖୋଜାପଡେ, ଶ୍ରାବଣରେ ବି ଖୋଜାପଡେ… ଶୀତୁଆ ସଞ୍ଜର ଚାଦର ଘୋଡା ଆକାଶ ବି କେବେ କେବେ ଗୋଲାପି ଗୋଲାପି ଦିଶେ । ଏଇ ଯେମିତି ରାଜଧାନୀର ଆକାଶ ଅଜଣା ଅତିଥିର ଆଗମନୀରେ ନିଜକୁ ଗୋଲାପି ଶାଢିରେ ସଜେଇଛି…
Kanak News is now on WhatsApp
Join and get latest news updates delivered to you via WhatsApp
ଖାଲି ରାଜଧାନୀ କାହିଁକି ସାରା ଆକାଶଟା ଗୋଲାପି ଗୋଲାପି ଦିଶୁଛି । ବାତ୍ୟା ବୁଲବୁଲ ପ୍ରଭାବରେ ଆକାଶ ଏମିତି ଦିଶୁଥିବା ବେଳେ ଗୋଲାପି ଆକାଶକୁ ନେଇ ସୋସିଆଲ ମିଡିଆରେ ଦେଖିବାକୁ ମିଳିଛି କେତେ କେତେ କବିତା । ବାତ୍ୟା ବୁଲବୁଲ ଝିଅଟିଏ ହୋଇଥିବାରୁ ଆକାଶ, ବୁଲବୁଲ ଗାଲରେ ଗୋଲାପି ରଙ୍ଗ ମାଖି ପ୍ରେମ ନିବେଦନ କରିବ ବୋଲି କେହି କେହି କହିଛନ୍ତି ।
ତେବେ ଆକାଶରେ ପ୍ରେମ ରଙ୍ଗ ଦେଖି ମାଟି ଉପରେ ବହୁଥିବା ମହାନଦୀ ବି ଫୁଲେଇ ହୋଇଛି । ଆଉ ତା ଗାଢ ନୀଳ ରଙ୍ଗର ଦେହକୁ ଗୋଲାପି କରିଛି । ଏଇ ଦେଖୁନ ଗୋଲାପି ରଙ୍ଗ ମାଖି ସେ କେମିତି ଖିଲି ଖିଲି ହସୁଛି ଆଉ ପବନ ସହ ଅଦୃଶ୍ୟ ଖେଳ ଖେଲୁଛି…