ଆମାଜନ୍ ନଦୀ ଅବବାହିକାରେ ଏକଦା ବହୁ ସ˚ଖ୍ୟାରେ ଦେଖାଯାଉଥିବା ଗୋଲାପୀ ଡଲ୍ଫିନ୍ ଏବେ ଧ୍ବ˚ସାଭିମୁଖୀ। ନଦୀର ଉପରମୁଣ୍ତ ପ୍ରଦୂଷିତ ହେବା କାରଣରୁ ଏହି ପ୍ରଜାତିର ବ˚ଶ ବଢ଼ୁନାହିଁ। ସ˚ପ୍ରତି ସମଗ୍ର ଆମାଜନ୍ ଅବବାହିକାରେ ଏମାନଙ୍କ ସ˚ଖ୍ୟା ପଚାଶକୁ ହ୍ରାସ ପାଇଥିବା ଆଶଙ୍କା କରାଯାଉଛି।
ଗୋଲାପୀ ଡଲ୍ଫିନ୍କୁ ନେଇ ସେଠାରେ ଏକ କିଂବଦନ୍ତି ପ୍ରଚଳିତ। ଏହି ଡଲ୍ଫିନ୍ ପ୍ରଜାତିର ସମସ୍ତେ ପୁରୁଷ ବୋଲି ସ୍ଥାନୀୟ ଅଧିବାସୀଙ୍କ ଧାରଣା ଏବ˚ ସେମାନେ ରାତିରେ ସୁନ୍ଦର ଯୁବକରେ ପରିଣତ ହୋଇ ସ୍ଥାନୀୟ ଯୁବତୀଙ୍କୁ ଗର୍ଭବତୀ କରିଥା’ନ୍ତି! ଜନ୍ମିତ ଶିଶୁ କିନ୍ତୁ ଡଲ୍ଫିନ୍ ନ ହୋଇ ମଣିଷ ହୁଏ। ଏହି କାରଣରୁ ସେମାନଙ୍କର ସ˚ଖ୍ୟା ବଢ଼ୁ ନ ଥିବା ସ୍ଥାନୀୟ ଅଧିବାସୀଙ୍କର ବିଶ୍ବାସ। ଏହି ଡଲ୍ଫିନ୍ର ଯୌନାଙ୍ଗ ମଣିଷ ପରି ଦିଶୁଥିବାରୁ ଏବ˚ ଅନ୍ୟ ଡଲ୍ଫିନ୍ ପରି ଏହା ଗୋଷ୍ଠୀରେ ରହୁ ନ ଥିବାରୁ ଏ ଭଳି କିଂବଦନ୍ତି ସୃଷ୍ଟି ହୋଇଥାଇପାରେ!