ପିକଅପ ଭ୍ୟାନ ତଳେ ଚାପି ହୋଇଗଲା ୪ ବର୍ଷର ଶିଶୁ କନ୍ୟା । ଅଡବା ଥାନା ଗାଣ୍ଡାଗୁଡା ଗାଁରେ ଉତେତ୍ତଜନା, ଡ୍ରାଇଭରକୁ ନିସ୍ତୁକ ମାଡ

କନକ ବ୍ୟୁରୋ: ଗଜପତି ଜିଲ୍ଲା ଅଡବା ଥାନା ଗଣ୍ଡାଗୁଡା ଗାଁରେ ଦୁର୍ଘଟଣା । ପରିବା ବୋଝେଇ ପିକଅପ୍ ଭ୍ୟାନ ଚାପାରେ ୪ ବର୍ଷର ଶିଶୁକନ୍ୟା ମୃତ । ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଛି । ଡ୍ରାଇଭରକୁ ଅଟକ ରଖି ପ୍ରବଳ ମାଡ ମାରିଛନ୍ତି ଗାଁଲୋକ । ଖବର ପାଇ ଅଡବା ପୁଲିସ ଘଟଣାସ୍ଥଳରେ ପହଂଚି ମୃତଦେହ ଜବତ କରିବା ସହ ଡ୍ରାଇଭରଙ୍କୁ ଉଦ୍ଧାର କରିଛି ।

ସକାଳୁ ଗାଁକୁ ପରିବା ବିକ୍ରି ପାଇଁ ଏକ ପିକଅପ୍ ଭ୍ୟାନ ଆସିଥଲା । ଲୁସିୟାନା ନାୟକ ଗାଡିରୁ ପରିବା କିଣିବା ପରେ ଡ୍ରାଇଭର ଗାଡିକୁ ଆଗକୁ ନେଇଥିଲେ । ଏହି ସମୟରେ ଲୁସିୟାନାଙ୍କ ଝିଅ ଗାଡିର ଚକତଳେ ରହିଯାଇଥିଲେ । ଫଳରେ ଘଟଣାସ୍ଥଳରେ ଶିଶୁଟିର ମୃତ୍ୟୁ ହୋଇଯାଇଛି ।