ଫୁଲବାଣୀ ବନ ବିଭାଗକୁ ବଡ଼ ସଫଳତା ; ୬ ଜଣ ଶିକାରୀଙ୍କ ସହ ୨ ଟି ବାଘ ଚମଡ଼ା, ୬ଟି କୁଟୁରା ଚମଡ଼ା, ଦେଶୀ ବନ୍ଧୁକ ଜବତ

କନକ ବ୍ୟୁରୋ: ବନ ବିଭାଗକୁ ବଡ଼ ସଫଳତା। ୬ ଜଣ ଶିକାରୀ ସହିତ ୨ ଟି ବାଘ ଚମଡ଼ା ଜବତ କଲା ଫୁଲବାଣୀ ବନ ବିଭାଗ। ଫୁଲବାଣୀ ବନଖଣ୍ଡର ସ୍ୱତନ୍ତ୍ର ଅପେରସନ ଟିମ ଖଜୁରୀପଡା ଥାନା ଅଞ୍ଚଳରୁ ୬ ଜଣ ଶିକାରୀ ସହିତ ସେମାନଙ୍କ ଠାରୁ ଦୁଇଟି କଲରା ପତରିଆ ବାଘ ଚମଡ଼ା, ଗୋଟିଏ ଖପୁରୀ, ୬ ଟି କୁଟୁରା ଚମଡ଼ା, ଗୋଟିଏ ମୁଣ୍ଡ, ୨ ଟି ଗୋଧି ଚମଡ଼ା ଜବତ କରିଛି। ଏହା ସହିତ ସେମାନଙ୍କ ଠାରୁ ଗୋଟିଏ ଲୋଡ଼େଡ଼ ଦେଶୀ ବନ୍ଧୁକ, ୭ ଟି ଫାସ, ଗୋଟିଏ ତୀର, ୨ ଟି ବାଟୁଳି ଏବଂ ଗୋଟିଏ ବାଇକ ଜବତ ହୋଇଛି।

କିଛି ଶିକାରୀ ଲଗାତାର ବିଭିନ୍ନ ସରଂକ୍ଷିତ ଜଙ୍ଗଲରେ ବନ୍ୟ ପ୍ରାଣୀ ଶିକାର କରୁଛନ୍ତି । ଏହା ପରେ ଏହି ଶିକାରୀ ମାନଙ୍କୁ ଗିରଫ କରିବା ପାଇଁ ଏକ ସ୍ୱତନ୍ତ୍ର ଅପେରସନ ଟିମ ଗଠନ କରାଯାଇଥିଲା । ଏହି ଟିମ ପ୍ରଥମେ ବେହେରା ଗାଁ ନିକଟ ଲାଇନପଡ଼ା ସରଂକ୍ଷିତ ଜଙ୍ଗଲ ନିକଟରୁ ଧନେଶ୍ୱର ନାୟକ ନାମକ ଜଣେ ଶିକାରୀକୁ ଗିରଫ କରିଥିଲେ। ତାପରେ ତାକୁ ଜେରା କରିବା ପରେ ଅନ୍ୟ ଶିକାରୀମାନଙ୍କୁ ସ୍ୱତନ୍ତ୍ର ଅପରେସନ ଟିମ ଗିରଫ କରିଥିଲେ।