ଅପରାଧୀ ସହ ପୋଲିସ ବାବୁଙ୍କ ସେଲଫି । ପୁରୀ ଜିଲ୍ଲା ଅସ୍ତରଙ୍ଗ ଆଳିସାହି ହତ୍ୟାକାଣ୍ଡରେ ରହିଛି ଅଭିଯୁକ୍ତର ସମ୍ପୃକ୍ତି
ଗତ ୬ ତାରିଖରେ ଘଟିଥିଲା ହତ୍ୟାକାଣ୍ଡ
କନକ ବ୍ୟୁରୋ: ହତ୍ୟା ଅଭିଯୁକ୍ତ ସହ ସେଲଫି ଉଠାଇଲେ ପୋଲିସ ବାବୁ । ଆପଣ ଦେଖୁଥିବା ଏହି ଫଟୋରେ ଚଷମା ପିନ୍ଧିଥିବା ବ୍ୟକ୍ତି ଜଣଙ୍କ ହେଉଛି ଜଣେ ହତ୍ୟା ଅଭିଯୁକ୍ତ । ତାଙ୍କ ଡାହାଣ ପାଖରେ ବସିଥିବା ଏହି ବ୍ୟକ୍ତି ଜଣଙ୍କ ହେଉଛନ୍ତି ଜଣେ ଆଇଆଇସି । ତେବେ ସେଲଫିରେ ଥିବା ହତ୍ୟା ଅଭିଯୁକ୍ତ ଜଣଙ୍କ ପୁରୀ ଜିଲ୍ଲା ଅସ୍ତରଙ୍ଗ ଆଳିସାହିରେ ଘଟିଥିବା ହତ୍ୟାକାଣ୍ଡରେ ସମ୍ପୃକ୍ତ ଅଛି । ଗତ ୬ ତାରିଖ ଦିନ ବାପାଙ୍କ ସାମ୍ନାରେ ପୁଅକୁ ହତ୍ୟା କରାଯାଇଥିଲା । ଆଳିସାହି ଭୀମାଛକରେ ବାପା-ପୁଅଙ୍କୁ ମରଣାତ୍ମକ ଆକ୍ରମଣ କରିଥିଲେ ଦୁର୍ବୃତ ।
Kanak News is now on WhatsApp
Join and get latest news updates delivered to you via WhatsApp
ଏହି ମରଣାନ୍ତକ ଆକ୍ରମଣରେ ପୁଅର ମୃତ୍ୟୁ ହୋଇଥିବା ବେଳେ ବାପା ଗୁରୁତର ଅବସ୍ଥାରେ ଭୁବନେଶ୍ୱର କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଥିଲା । ପୂର୍ବ ଶତ୍ରୁତାକୁ କେନ୍ଦ୍ର କରି ଏହି ହତ୍ୟାକାଣ୍ଡ ହୋଇଥିଲା । ୫ ତାରିଖ ବିଳମ୍ବିତ ରାତିରେ କାରରେ ଆସି ଦୃର୍ବତମାନେ ଏହି ଆକ୍ରମଣ କରିଥିଲେ । ଏହି ଘଟଣାରେ ପୁଲିସ କାର ଓ ଛୁରୀ ଜବତ କରିସାରିଛି । ଇଏ ହେଉଛି ସେହି ଦୁବୃର୍ତ ଯିଏ ହତ୍ୟାକାଣ୍ଡ ଘଟାଇଥିଲା । ଗୁରୁତ୍ୱପୂର୍ଣ୍ଣ କଥା ହେଉଛି ଆଇନର ରକ୍ଷକ ସାଜିଥିବା ଜଣେ ପୋଲିସ ଅଧିକାରୀ ହତ୍ୟା ଅଭିଯୁକ୍ତ ସହିତ ସେଲଫି ଉଠାଉଛନ୍ତି । ଏହାଠାରୁ ଦୁଃର୍ଭାଗ୍ୟଜନକ ଘଟଣା କଣ ହୋଇପାରେ ।