ଆଦିବାସୀ ମହିଳାଙ୍କୁ ରୋଜଗାର ଦେଇଛି ଫିନାଇଲ ପ୍ରସ୍ତୁତ, ୩ଟି ସ୍ୱୟଂ ସହାୟକ ଗୋଷ୍ଠୀ ମିଶି ଆରମ୍ଭ କରିଛନ୍ତି ସଂଜିବନୀ ପ୍ରଡ୍ୟୁସର ଗ୍ରୁପ
କନକ ବ୍ୟୁରୋ : ଆଦିବାସୀ ଅଂଚଳରେ ମହିଳାଙ୍କୁ ରୋଜଗାର ଦେଉଛି ଫିନାଇଲ । ରାୟଗଡା ପଦ୍ମପୁର ବ୍ଲକ ଅନ୍ତର୍ଗତ ତେମବାଗୁଡ଼ା ଗାଁର ମା’ ଶାରଳା, ମା’ ମହେଶ୍ୱରୀ ଓ ମା’ କଲ୍ୟାଣୀ ନାମକ ୩ଟି ସ୍ୱୟଂ ସହାୟକ ଗୋଷ୍ଠୀ ମିଶି ଆରମ୍ଭ କରିଛନ୍ତି ସଂଜିବନୀ ପ୍ରଡ୍ୟୁସର ଗ୍ରୁପ୍ । ୩୦ଜଣ ମହିଳା ଏକାଠି ହୋଇ ମିଶନ ଶକ୍ତି ସହଯୋଗରେ ତାଲିମ ନେଇ ପସ୍ତୁତ କରୁଛନ୍ତି ବ୍ଲାକ ଫିନାଇଲ, ନିମାଇଲ, ଡିସ ୱାସ । ଏଥିରୁ ବାର୍ଷିକ ତାଙ୍କୁ ଲକ୍ଷାଧିକ ଟଙ୍କା ରୋଜଗାର ମିଳୁଛି । ଘର କାମ ପରେ ପ୍ରତିଦିନ ୨ ରୁ ୩ ଘଂଟା ସମୟ ଦେଇ ଏହି ଫିନାଇଲ ପ୍ରସ୍ତୁତ କାମରେ ଲାଗି ପଡ଼ନ୍ତି ଗୃପର ମହିଳାମାନେ । ମହିଳା ମାନେ ନିଜ ନିଜ ଦାୟିତ୍ୱ ନିଜ ଭିତରେ ବାଂଟି ନିଅନ୍ତି । କିଏ ଫିନାଇଲରେ କେମିକାଲକୁ ମିଶ୍ରଣ କରେ ତ ଆଉ କିଏ ସେଥିରେ ସୁଗନ୍ଧ ମିସାଏ । ପୁଣି ଆଉ କିଏ ଫିନାଇଲ ବୋତଲରେ ଷ୍ଟିକରିଂ କରିଥାଏ । ଦିନକୁ ଦୁଇରୁ ତିନି ଶହ ବୋତଲ ପ୍ରସ୍ତୁତ କରି ବ୍ୟବସାୟ କରୁଛନ୍ତି ମହିଳା ମାନେ ।
Kanak News is now on WhatsApp
Join and get latest news updates delivered to you via WhatsApp
ଗଞ୍ଜାମରୁ କଂଚାମାଲ ଆଣି ୧୦ ହଜାର ଟଙ୍କାରେ ବ୍ୟବସାୟ ଆରମ୍ଭ କରିଥିବା ଏହି ଉତ୍ପାଦକ ଗୋଷ୍ଠୀ ଖୁବ କମ ଦିନରେ କଂଚାମାଲ ସମେତ ଲକ୍ଷାଧିକ ସଂଚୟ ମଧ୍ୟ କରିଛନ୍ତି । ଉତ୍ପାଦିତ ଫିନାଇଲକୁ ବୋତଲ ପିଛା ୨୦ ରୁ ୫୦ ଟଙ୍କାରେ ନିକଟସ୍ଥ ବଜାରରେ ବିକ୍ରି କରିବା ସହ ଅଂଚଳରେ ଥିବା ବିଭିନ୍ନ ଆଶ୍ରମ ବିଦ୍ୟାଳୟ, ଅଙ୍ଗନବାଡ଼ି କେନ୍ଦ୍ର ଓ ଚିକିତ୍ସାଳୟକୁ ଫିନାଇଲ ଯୋଗାଇ ଦୁଇ ପଇସା ରୋଜଗାର କରୁଛନ୍ତି ।
ଅ।।ଦିବାସୀ ଅଂଚଳର ଏହି ମହିଳାଙ୍କ ପ୍ରୟାସ ଏବେ ଅନ୍ୟମାନଙ୍କ ପାଇଁ ପାଲଟିଛି ପ୍ରେରଣା ।