ଭାରତରେ ଚିହ୍ନଟ କରୋନାର ଡେଲଟା ଭୂତାଣୁ ବିରୋଧରେ ପ୍ରଭାବୀ ହେଉନି ଫାଇଜର ଟିକା : ଲାନସେଟ୍ ମେଡିକାଲ ପତ୍ରିକା ଗବେଷଣାରୁ ମିଳିଲା ତଥ୍ୟ
କନକ ବ୍ୟୁରୋ : ଭାରତରେ ପ୍ରଥମେ ଚିହ୍ନଟ ହୋଇଥିବା କରୋନାର ଡେଲଟା ଭ୍ୟାରିଆଂଟ ବିରୋଧରେ ଭଲ କାମ କରୁନାହିଁ ଫାଇଜର ଟିକା । ଲାନସେଟ୍ ମେଡିକାଲ ପତ୍ରିକା କହିଛି, ପୂର୍ବ ଷ୍ଟ୍ରେନ୍ ବିରୋଧରେ ଫାଇଜର ଟିକା ଭଲ କାମ କରୁଛି । ହେଲେ କରୋନା ଡେଲଟା ଭୂତାଣୁ ବିରୋଧରେ ୨୦ ପ୍ରତିଶତରୁ କମ୍ ପ୍ରଭାବୀ ରହୁଛି । ଅର୍ଥାତ୍ ଫାଇଜର-ବାୟୋଟେକ୍ ପ୍ରସ୍ତୁତ କରିଥିବା ଟିକା, ଶରୀରରେ ଯେଉଁ ଆଂଟିବଡି ତିଆରି କରୁଛି, ତାହା କରୋନାର ଡେଲଟା ଭ୍ୟାରିଆଂଟ ବିରୋଧରେ ଲଢ଼ିବାକୁ ଭଲ ଭାବେ ସମର୍ଥ ହେଉନାହିଁ ।
Kanak News is now on WhatsApp
Join and get latest news updates delivered to you via WhatsApp
ଲାନସେଟ୍ ପତ୍ରିକାର ଗବେଷଣାରୁ ମିଳିଥିବା ତଥ୍ୟ ଅନୁସାରେ, ଫାଇଜର ଯେଉଁ ଆଂଟିବଡି ତିଆରି କରୁଛି, ତାହା ଡେଲଟା ପ୍ରଜାତି ଭୂତାଣୁକୁ ଚିହ୍ନଟ କରିବା ଏବଂ ଏହା ବିରୋଧରେ ଲଢ଼ିବା, ସମୟ ଅନୁସାରେ ହ୍ରାସ ପାଉଛି । ତେଣୁ ଇଂଲଣ୍ଡରେ ବୁଷ୍ଟର ଡୋଜ୍ ଦେବା ପାଇଁ ଯେଉଁ ଯୋଜନା ହେଉଛି, ତାକୁ ସମର୍ଥନ କରିଛି ଲାନସେଟ୍ ପତ୍ରିକା । ଦୁଇଟି ଡୋଜ୍ ମଧ୍ୟରେ ସମୟ ବ୍ୟବଧାନକୁ ହ୍ରାସ କରିବା ପାଇଁ ବ୍ରିଟେନରେ ନିଆଯାଇଥିବା ପଦକ୍ଷେପକୁ ମଧ୍ୟ ଲାନସେଟ୍ ପତ୍ରିକାର ଗବେଷଣା ସମର୍ଥନ କରୁଛି । କାରଣ ଏହା ଶରୀରରେ ଅଧିକ ପ୍ରତିରୋଧକ ଶକ୍ତି ସୃଷ୍ଟି କରୁଥିବା ଗବେଷଣାକୁ ଜଣାପଡିଛି ।