କରୋନା ଟିକା : ଫାଇଜର-ବାୟୋନଟେକ ଟିକା ନେଇଥିବା ଲୋକଙ୍କୁ ଆବଶ୍ୟକ ପଡିପାରେ ତୃତୀୟ ଖୋରାକ । କମ୍ପାନୀ ମାଗିଲା ଅନୁମତି
କନକ ବ୍ୟୁରୋ : ବିଶ୍ୱକୁ ପୁଣି ଆସିପାରେ କରୋନାର ତୃତୀୟ ସଂକ୍ରମଣ । ଏହାସହ କରୋନାର ବଦଳୁ୍ଥିବା ସ୍ୱରୂପକୁ ନଜରରେ ରଖି ଆମରିକୀୟ ଟିକା ନିର୍ମାତା ଲୋକମାନଙ୍କୁ ତୃତୀୟ ଡୋଜ ଦେବାକୁ ଯୋଜନା କରୁଛି । ଆମେରିକୀୟ ଟିକା ନିର୍ମାତା କମ୍ପାନୀ ଫାଇଜର- ବାୟୋନଟେକ ଏନେଇ ଅନୁମତି ମାଗିଛି । କମ୍ପାନୀ ତରଫରୁ କୁହାଯାଇଛି କି,କରୋନାର ଆସୁଥିବା ନୂଆ ସ୍ୱରୂପକୁ ରୋକିବାକୁ ଟିକାର ତୃତୀୟ ଖୋରାକର ଆବଶ୍ୟକତା ରହିଛି । କମ୍ପାନୀ ଗୁରୁବାର ଦିନ ଘୋଷଣା କରିଛନ୍ତି କି କୋଭିଡ-୧୯ ଭ୍ୟାକ୍ସିନ ପାଇଁ ରେଗୁଲେଟରୀ ଆପ୍ରୁଭାଲ ପାଇଁ ଅନୁମତି ମାଗିବ । କମ୍ପାନୀ ତରଫରୁ ଟିକାକୁ ନେଇ କରାଯାଇଥିବା ପରୀକ୍ଷଣ ଆଧାରରେ ମଞ୍ଜୁରୀ ପାଇବ ବୋଲି ଆଶା କରିଛି କମ୍ପାନୀ । ଏହି ପରୀକ୍ଷଣରୁ ଜଣାପଡିଛି କି ପ୍ରଥମ ଦୁଇଟି ଖୋରାକ ତୁଳାନାରେ ତୃତୀୟ ଖୋରାକ ମାନବ ଶରୀରରେ ୫ ରୁ ୧୦ ଗୁଣା ଅଧିକ ଅଣ୍ଟିବଡି ପ୍ରସ୍ତୁତ କରିପାରିବ ।
Kanak News is now on WhatsApp
Join and get latest news updates delivered to you via WhatsApp
ମୁଖ୍ୟତ ଟିକାର ଏହି ତୃତୀୟ ଖୋରାକ କରୋନାର ବିଟା ଭାରିଆଣ୍ଟ ବିରୋଧରେ ଭଲ ଫଳପ୍ରଦ ହେବ ବୋଲଇ ଆଶା କରାଯାଇଛି । ଏହି ବିଟା ଭାରିଆଣ୍ଟ ସର୍ବପ୍ରଥମେ ଦକ୍ଷୀଣ ଆଫ୍ରିକାରେ ଚିହ୍ନଟ ହୋଇଥିଲା । ଏପଯ୍ୟନ୍ତ କରୋନାର ମିଳିଥିବା ବିଭିନ୍ନ ଭାରିଆଣ୍ଟ ମଧ୍ୟରୁ ବିଟା ଭାରିଆଣ୍ଟ ସବୁଠାରୁ ଶକ୍ତିଶାଳୀ ବୋଲି କୁହାଯାଇଛି ।
କହିରଖୁ କି ବୈଜ୍ଞାନିକଙ୍କ ମତରେ କରୋନାର ଡେଲଟା ଭାରିଆଣ୍ଟ ବିରୋଧୀ ଲଢେଇରେ ଫାଇଜର ଟିକା କମ୍ ପ୍ରଭାବଶାଳୀ । ଏକ ଅଧ୍ୟୟନ ମୁତାବକ ଯଦି ଜଣଙ୍କୁ ପ୍ରଥମଥର ପାଇଁ କରୋନା ଭୂତାଣୁ ସଂକ୍ରମଣ କରୁଛି ଓ ତାହା ଡେଲଟା ଭାରିଆଣ୍ଟ ତେବେ ସେହି ଲୋକମାନଙ୍କ ଶରୀରରେ ଆଣ୍ଟିବଡି ପ୍ରସ୍ତୁତ କରିବାରେ କରୋନା ଟିକା ପ୍ରଭାବଶାଳୀ ନୁହେଁ । ‘ଜର୍ନାଲନେଚର’ ରେ ପ୍ରକାଶିତ ରିପୋର୍ଟ ମୁତାବକ କରୋନାର ଡେଲଟା ଭାରିଆଣ୍ଟ ବିରୋଧରେ ଫାଇଜର ଟିକା କମ୍ ପ୍ରଭାବଶାଳୀ । ତେଣୁ ଫାଇଜର ଟିକାର ତୃତୀୟ ଖୋରାକ ଦେବାକୁ କମ୍ପାନୀ ପକ୍ଷରୁ ଅନୁମତି ମଗା ଯାଇଛି ।