୧୫ ରାଜ୍ୟ, ୯୬ ଜାଗା, ୧୦୦ରୁ ଅଧିକ ଗିରଫଦାରୀ; NIA ବିରୋଧରେ କେରଳ ବନ୍ଦ ଡାକରା ଦେଇଛି PFI

କନକ ବ୍ୟୁରୋ: ଏବେ ଦେଶ ସାରା ନ୍ୟାସନାଲ ଇନଭେଷ୍ଟିଗେସନ୍ ଏଜେନ୍ସି (ଏନଆଇଏ) ଫୁଲ୍ ଆକ୍ସନ ମୋଡରେ । ଏହାକୁ ବିରୋଧ କରି ସାରା ଦେଶରେ ଅସନ୍ତୋଷ ଦେଖାଦେଇଛି । କାର୍ୟ୍ୟାଳୟ, ଘର ଓ ଅନ୍ୟାନ୍ୟ ପରିସରରେ ଏନଆଇଏର ଚଢାଉକୁ ବିରୋଧ କରି ପପୁଲାର ଫ୍ରଣ୍ଟ ଅଫ୍ ଇଣ୍ଡିଆ (ପିଏଫଆଇ) ଆଜି କେରଳ ବନ୍ଦ ଡାକରରା ଦେଇଛି ।

ପିଏଫଆଇ ଶୁକ୍ରବାର ସକାଳ ୬ଟାରୁ ସନ୍ଧ୍ୟା ୬ଟା ପର୍ୟ୍ୟନ୍ତ କେରଳରେ ୧୨ ଘଣ୍ଟିଆ ବନ୍ଦ ଡାକରା ଦେଇଛି ଘୋଷଣା କରିଛି। କେରଳ ବନ୍ଦ ଘୋଷଣାକୁ ଦୃଷ୍ଟିରେ ରଖି ପୋଲିସ ସୁରକ୍ଷା ବ୍ୟବସ୍ଥା କଡାକଡି କରିଛି । ଏନଆଇଏା ଅଭିଯୋଗ ମୁତାବକ, ପିଏଫଆଇ ଏକ ଆତଙ୍କବାଦୀ ପାଣ୍ଠି ଭାବେ ଅନେକ ହିଂସାତ୍ମକ କାର୍ୟ୍ୟରେ ସମ୍ପୃକ୍ତ ଥିବାରୁ ଏହାର ନେତା ଏବଂ ବିଭିନ୍ନ ରାଜ୍ୟରେ ସଦସ୍ୟଙ୍କ ବିରୋଧରେ ବହୁ ଅପରାଧିକ ମାମଲା ରୁଜୁ କରାଯାଇଛି।

ସୂଚନା ମୁତାବକ, ଆତଙ୍କବାଦୀ ପାଣ୍ଠି ସମ୍ପର୍କୀତ ଅଭିଯୋଗ ଯୋଗୁଁ ତଦନ୍ତର ସମ୍ମୁଖୀନ ହେଉଥିବା ପିଏଫଆଇ ଅର୍ଥାତ୍ ପପୁଲାର ଫ୍ରଣ୍ଟ ଅଫ୍ ଇଣ୍ଡିଆ ଏପର୍ୟ୍ୟନ୍ତର ଏକ ବଡ଼ କାର୍ୟ୍ୟାନୁଷ୍ଠାନ ଗ୍ରହଣ କରିଛି। ଆତଙ୍କବାଦୀ ପାଣ୍ଠି ମାମଲାରେ ଏନଆଇଏ ଏବଂ ଇଡି ମିଳିତ ଭାବେ ୧୫ଟି ରାଜ୍ୟର ୯୬ଟି ସ୍ଥାନରେ ଚଢାଉ କରି ଅନେକ ରାଜ୍ୟର ପିଏଫଆଇ ମୁଖ୍ୟଙ୍କ ସମେତ ୧୦୦ରୁ ଅଧିକ ସଦସ୍ୟଙ୍କୁ ଗିରଫ କରିଥିଲେ। ପିଏଫଆଇ ବିରୋଧରେ କାର୍ୟ୍ୟାନୁଷ୍ଠାନକୁ ଅନୁସନ୍ଧାନକାରୀ ଅଧିକାରୀମାନେ ଏପର୍ୟ୍ୟନ୍ତ ନିଆଯାଇଥିବା ସବୁଠାରୁ ବଡ ଅନୁସନ୍ଧାନ ପ୍ରକ୍ରିୟା ବୋଲି କହିଥିଲେ। ଏହି ଚଢାଉ ପରେ ପିଏଫଆଇ ଉପରେ ପ୍ରତିବନ୍ଧକ ଲଗାଇବାର ସମ୍ଭାବନା ରହିଛି । ତେବେ ଏନଆଇଏର କାର୍ୟ୍ୟାନୁଷ୍ଠାନ ଯୋଗୁଁ ପିଏଫଆଇ ଆଜି କେରଳରେ ବନ୍ଦ ଡାକରା ଦେଇଛି ।