ଘର ସ୍ୱପ୍ନ ପୁରଣ କରିବ ପିଏଫ୍ ଆକାଉଂଟ ! ଜାଣନ୍ତୁ କେମିତି
କନକ ବ୍ୟୁରୋ : ଆପଣଙ୍କର ପିଏଫ୍ ଆକାଉଂଟ ଏବେ ଘର ସ୍ୱପ୍ନ ପୁରଣ କରିବ । କେନ୍ଦ୍ର ସରକାର ଏନେଇ ପିଏଫ ଆକ୍ଟରେ ବଡ ଧରଣର ପରିବର୍ତ୍ତନ ଆଣିବାକୁ ଯାଉଛନ୍ତି । ସୂଚନା ଅନୁସାରେ, ଘର କିଣିବା ପାଇଁ ଏବେ ପିଏଫ ଆକଉଂଟରୁ ୯୦ ପ୍ରତିଶତ ଅର୍ଥ ଉଠାଇପାରିବେ । ଘର କିଣିବା ବାବଦରେ ଡାଉନ ପେମେଂଟ ଦେବାକୁ ଇପିଏଫଓ ପ୍ରୋଭିଡେଂଟ ଫଣ୍ଡ ୯୦ ପ୍ରତିଶତ ଅର୍ଥ ବାହାର କରିବାକୁ ଅନୁମତି ଦେଇପାରେ । କେନ୍ଦ୍ର ସରକାର ଏଥିପାଇଁ କର୍ମଚାରୀ ଭବିଷ୍ୟନିଧି ଅର୍ଥାତ ଇପିଏଫ ସ୍କିମରେ ସଂଶୋଧନ କରିବେ । ଫଳରେ ୪ କୋଟି ଲୋକ ଉପକୃତ ହୋଇପାରିବେ ।
Kanak News is now on WhatsApp
Join and get latest news updates delivered to you via WhatsApp
ଏହି ସଂଶୋଧନ ଫଳରେ ଇପିଏଫଓ ଉପଭୋକ୍ତା ଘର ପାଇଁ ନେଇଥିବା ଲୋନରେ ଇଏମଆଇ ଭରିବାକୁ ନିଜର ଇପିଏଫ ଆକାଉଂଟକୁ ବ୍ୟବହାର କରିପାରିବେ । ପ୍ରସ୍ତାବିତ ପ୍ରାବଧାନ ଅନୁସାରେ, ଏହି ସୁବିଧାର ଲାଭ ଉଠାଇବାକୁ ଉପଭୋକ୍ତାଙ୍କୁ ପ୍ରଥମେ ଏକ କୋ-ଅପରେଟିଭ ସୋସାଇଟି ତିଆରି କରିବାକୁ ପଡିବ, ଯେଉଁଥିରେ ସର୍ବନିମ୍ନ ୧୦ ଜଣ ସଦସ୍ୟ ରହିବେ ।
କେନ୍ଦ୍ର ଶ୍ରମମନ୍ତ୍ରୀ ବନ୍ଦାରୁ ଦତ୍ତାତ୍ରେୟ ରାଜ୍ୟସଭରେ ଏକ ଲିଖିତ ପ୍ରଶ୍ନର ଉତ୍ତର ଦେଇ କହିଛନ୍ତି, ସରକାର ଇପିଏଫ ସ୍କିମ ୧୯୫୨ରେ ପରିବର୍ତ୍ତନ କରିବାକୁ ନିଷ୍ପତ୍ତି ନେଇଛନ୍ତି । ଫଳରେ ୧୦ ସଦସ୍ୟ ବିଶିଷ୍ଟ କୋ-ଅପରେଟିଭ ଅବା ହାଉସିଂ ସୋସାଇଟିର ଇପିଏଫ ସଦସ୍ୟ ଘର କିଣିବା ସମୟରେ କିମ୍ବା ରହୁଥିବା ଘର ମରାମତି ପାଇଁ ଅଥବା ଜମି ଅଧିଗ୍ରହଣ ସମୟରେ ଆବଶ୍ୟକ ଥିବା ଡାଇଉନପେମେଂଟ ପାଇଁ ପିଏଫର ୯୦ ପ୍ରତିଶତ ଅର୍ଥ ବାହାର କରିପାରିବେ ।