ତୈଳଦର ବୃଦ୍ଧିରେ ପ୍ରତିବନ୍ଧକ ସାଜିବ ରିଲାଏନ୍ସ ! ୨୦ଟଙ୍କା ଶସ୍ତାରେ କମ୍ପାନୀ ଯୋଗାଇଦେବ ପେଟ୍ରୋଲ !

କନକ ବ୍ୟୁରୋ : ସାରା ଦେଶରେ ଜିଓର ଲୋକପ୍ରିୟତା ବଢିବାରେ ଲାଗିଛି । ତେବେ ଏହାରି ମଧ୍ୟରେ କିଛି ଦିନ ହେବ ସାରା ଦେଶରେ ତୈଳଦର ବୃଦ୍ଧି ହେବାରେ ଲାଗିଛି । ବର୍ତ୍ତମାନ ସମୟରେ ପେଟ୍ରୋଲ ୯୦ଟଙ୍କା ଛୁଇଁବା ଉପରେ । ବାରମ୍ବାର ଦର ବଢିବା କାରଣରୁ ବିରୋଧୀ କଂଗ୍ରେସ ଭାରତ ବନ୍ଦ କରିଥିଲା । ହେଲା ତାହାର ପ୍ରଭାବ କୈାଣସି ପଡିନଥିଲା । ତେଲ ଦର ବଢିବା କାରଣରୁ ଅନେକ ଲୋକ ଅସୁବିଧାର ସମ୍ମୁଖୀନ ମଧ୍ୟ ହେଉଛନ୍ତି  । ତେଣୁ ଲୋକମାନେ ବାରମ୍ବାର ତୈଳଦର କମାଇବା ପାଇଁ କହୁଛନ୍ତି । ବର୍ତ୍ତମାନ ଏପରି ଖବର ରହିଛି ଯାହା ଶୁଣିଲେ ମାତ୍ରେ ଆପଣ ଖୁସି ହୋଇଯିବେ ।

ମିଳିଥିବା ସୂଚନା ଅନୁସାରେ ମୁକେଶ ଅମ୍ବାନୀ ନିଜର କମ୍ପାନୀ ମାଧ୍ୟମରେ ତୈଳଦର କମାଇବେ ବୋଲି ସୂଚନା ମିଳିଛି । ତେଣୁ ଟେଲିକମରେ ଯେପରି ଭାବରେ ଆମ୍ବାନୀ ସାରା ଦେଶର ଅନ୍ୟ କମ୍ପାନୀମାନଙ୍କ ବେପାରକୁ ଘାଇଲା କରିଛନ୍ତି । ସେହିପରି ଭାବରେ ବର୍ତ୍ତମାନ ଭାରତରେ ଥିବା ଅନ୍ୟ ତୈଳ କମ୍ପାନୀମାନେ ଏପରି ଖବର ପାଇବା ପରେ ଚିନ୍ତାରେ ପଡିଯାଇଛନ୍ତି । ତେବେ କମ୍ପାନୀ ଏହିପରି ଭାବରେ କେବେଠାରୁ ଆରମ୍ଭ କରିବ ତାହାର ସଠିକ ସୂଚନା ମିଳିନଥିଲେ ମଧ୍ୟ ଏହା ଦେଶରେ ଖୁବଶୀଘ୍ର ପ୍ରଚଳିତ ହେବ ବୋଲି ସୂଚନା ମିଳିଛି ।

ଏପରି ସୂଚନା ଦେଇଛନ୍ତି ଖୋଦ ଅଲ ଇଣ୍ଡିଆ ପେଟ୍ରୋଲିୟମ ଡିଲର ଆସୋସିଏସନର ଅଧ୍ୟକ୍ଷ ଅଜୟ ବଂସଲ । ଏହାସହ ସେ କହିଛନ୍ତି ଯେ, ମୁକେଶ ଏପରି କଲେ ସାରା ଦେଶରେ ଅନେକ କମ୍ପାନୀଙ୍କର ବେପାର ମାନ୍ଦା ହେବା ସୁନିଶ୍ଚିତ । କାରଣ କେବଳ ଦେଶରେ ଥିବା ରିଲାଏନ୍ସ କମ୍ପାନୀରେ ମୁକେଶ ଅମ୍ବାନୀ ୨୦ ଟଙ୍କା ଶସ୍ତାରେ ତୈଳ ଯୋଗାଇ ଦେବେ । ଯଦି ଏହି ସୂଚନା ସତ ହେବ ତେବେ ସାରା ଭାରତର ଲୋକମାନେ ଖୁସି ବ୍ୟକ୍ତି କରିବା ସହ ମୁକେଶଙ୍କୁ ଧନ୍ୟବାଦ ଦେବେ ବୋଲି ଜଣାପଡିଛି ।