ରାଜଧାନୀରେ ପେଟ୍ରୋଲ ପମ୍ପ ବିସ୍ଫୋରଣ ଘଟଣା : ଯାଂଚ ପାଇଁ ରାଜ୍ୟ ଫରେନସିକ୍ ଲାବକୁ ଗଲା ବିସ୍ଫୋରଣ ସ୍ଥଳରୁ ମିଳିଥିଲା ମାଂସ ଓ ହାଡ ଟୁକୁଡା, ପରିବାର ଲୋକଙ୍କ ଠାରୁ ସାମ୍ପଲ ଆଣି କରାଯିବ ଡିଏନଏ ଟେଷ୍ଟ
କନକ ବ୍ୟୁରୋ : ଭୁବନେଶ୍ୱର ପେଟ୍ରୋଲ୍ ପମ୍ପ ବିସ୍ଫୋରଣ ଘଟଣାରେ ଏକ ବଡ଼ ଖବର ସାମ୍ନାକୁ ଆସିଛି । ବିସ୍ଫୋରଣ ପରେ ଉଦ୍ଧାର ହୋଇଥିବା ଖଣ୍ଡବିଖଣ୍ଡିତ ଶରୀରର ହେବ ଡିଏନ୍ଏ ଟେଷ୍ଟ । ମିଳିଥିବା ମାଂସ ଟୁକୁଡ଼ା ଏବଂ ହାଡ଼କୁ ରାଜ୍ୟ ଫରେସନ୍ସିକ୍ ଲ୍ୟାବକୁ ପଠାଇଛି କମିଶନରେଟ୍ ପୁଲିସ୍ । ସନ୍ଦେହ କରାଯାଉଥିବା ଗଂଜାମର ସୀମାଂଚଳଙ୍କ ପରିବାର ଲୋକଙ୍କ ସାମ୍ପୁଲ ଅଣାଯାଇ ଏହି ଡିଏନ୍ଏ ଟେଷ୍ଟ କରାଯିବ ବୋଲି କମିଶନରେଟ୍ ପୁଲିସ ପକ୍ଷରୁ ସୂଚନା ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ରାଜଭବନ ନିକଟରେ ଥିବା ପେଟ୍ରୋଲ ପମ୍ପ ବିସ୍ଫୋରଣ ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ନିଖୋଜ ଥିବା ନେଇ ପୂର୍ବରୁ ସୂଚନା ଦେଇଥିଲେ ପୁଲିସ୍ କମିଶନର । ଆଉ ସେହି ନିଖୋଜ ବ୍ୟକ୍ତିଙ୍କ ସନ୍ଧାନ ପାଇଁ ଏଭଳି ନିଷ୍ପତ୍ତି ନିଆଯାଇଛି । ସୂଚନା ଅନୁସାରେ ବିସ୍ଫୋରଣ ପୂର୍ବରୁ ଏଲପିଜି ରିଫିଲିଂ ଦାୟିତ୍ୱରେ ୩ ଜଣ କର୍ମଚାରୀ ଥିଲେ । ସେଥିରୁ ୨ଜଣଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇଥିଲା । ଜଣକର କଟକ ବଡ଼ ମେଡ଼ିକାଲରେ ମୃତ୍ୟୁ ହୋଇଥିବା ବେଳେ ଜଣେ ନିଖୋଜ ଥିଲେ ।