କନକ ବ୍ୟୁରୋ: ୩୫ ଦିନ ପରେ କମିଲା ପେଟ୍ରୋଲ ରେଟ୍ । ଦୀର୍ଘ ୩୫ ଦିନ ଧରି ସ୍ଥିର ରହିବା ପରେ ଆଜି ଦେଶରେ ତୈଳ ଦରରେ ସାମାନ୍ୟ ପରିବର୍ତ୍ତନ ହୋଇଛି । ପୂର୍ବ ଦାମ ତୁଳନାରେ ଆଜିର ପେଟ୍ରୋଲ ଦାମ ୨୦ ପଇସା ଶସ୍ତା ହୋଇଛି । ଗୁରୁତ୍ୱପୂର୍ଣ୍ଣ କଥା ହେଉଛି, ଗତ ୩୫ ଦିନ ଧରି ଦେଶରେ ତୈଳଦର ସ୍ଥିର ରହିଥିଲା । ଆଉ ଆଜି ପ୍ରାୟ ମାସକ ପରେ ଏଥିରେ ସାମାନ୍ୟ ପରିବର୍ତ୍ତନ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ରାଜଧାନୀ ଦିଲ୍ଲୀରେ ଆଜି ପେଟ୍ରୋଲର ଦାମ ଲିଟର ପ୍ରତି ୧୦୧ ଟଙ୍କା ୬୪ ପଇସା ଥିବାବେଳେ ଡିଜେଲର ଦାମ ୮୯.୦୭ ଟଙ୍କା ରହିଛି । ସେହିପରି ମୁମ୍ବାଇରେ ଡିଜେଲ ଦାମ ୯୬.୬୪ ଟଙ୍କା ଥିବାବେଳେ ପେଟ୍ରୋଲ ଲିଟର ପ୍ରତି ଦାମ ୧୦୭.୬୬ ଟଙ୍କା ରହିଛି । ତେବେ ଦୀର୍ଘ ୩୫ ଦିନ ପରେ ପେଟ୍ରୋଲ ରେଟରେ ସାମାନ୍ୟ ପରିବର୍ତ୍ତନ ହୋଇଛି । ଶେଷ ଥର ପାଇଁ ଗତ ଜୁଲାଇ ୧୭ ତାରିଖରେ ପେଟ୍ରୋଲ ରେଟରେ ପରିବର୍ତ୍ତନ ହୋଇଥିଲା । ଜୁଲାଇ ୧୮ ତାରିଖରୁ ସାରା ଦେଶରେ ପେଟ୍ରୋଲ ରେଟରେ କୌଣସି ପରିବର୍ତ୍ତନ ହୋଇନଥିଲା । ଏବେ ପ୍ରାୟ ମାସକ ପରେ ଏଥିରେ ସାମାନ୍ୟ ପରିବର୍ତ୍ତନ ହୋଇଛି । ସେପଟେ ଅଗଷ୍ଟ ୧୮ରୁ ୨୦ ମଧ୍ୟରେ ଡିଜେଲ ଦାମ ଲଗାତାର ଶସ୍ତା ହେଉଥିବା ଦେଖିବାକୁ ମିଳୁଛି । ଆଜି ମଧ୍ୟ ଡିଜେଲ ଦାମ ୨୦ ପଇସା କମ୍ ହୋଇଥିବା ସୂଚନା ମିଳିଛି ।