ଭୋପାଳରେ ଶହେ ଟପିଲା ପେଟ୍ରୋଲ ଦାମ । ତେଲ ଦର ମାଡରେ ପେଟ୍ରୋଲ ପମ୍ପ ଅକାମୀ । ଓଡିଶାରେ ବି ଉପରମୁହାଁ ତେଲଦର ।
କନକ ବ୍ୟରୋ: ତେଲ ଦରକୁ ନେଇ କିଛି ଦିନ ହେବ ଯେଉଁ ଆଶଙ୍କା କରାଯାଉଥିଲା , ତାହା ହିଁ ହୋଇଛି । ଭୋପାଳରେ ଆଜି ପେଟ୍ରୋଲ ଦର ଲିଟର ପିଛା ୧୦୦ ଟଙ୍କା ଛୁଇଁଛି । ସହରରେ ପ୍ରିମିୟମ ପେଟ୍ରୋଲ ଲିଟର ପିଛା ୧୦୦ ଟଙ୍କା ହେବା ଯୋଗୁଁ ପୁରୁଣା ପେଟ୍ରୋଲ ପମ୍ପ ଗୁଡିକରେ ବ୍ୟବସାୟ ପ୍ରଭାବିତ ହୋଇଛି । ମଧ୍ୟ ପ୍ରଦେଶ ପେଟ୍ରୋଲ ପମ୍ପ ବ୍ୟବସାୟୀ ମହାସଂଘ ପକ୍ଷରୁ କୁହାଯାଇଛି, ଆଜି ପେଟ୍ରୋଲ ଦର ୧୦୦ଟଙ୍କା ୪ ପଇସାରେ ପହଂଚିଛି । ଅବଶ୍ୟ ପୁରୁଣା ମେସିନ ଲାଗିଥିବା ପେଟ୍ରୋଲ ପମ୍ପର ସଂଖ୍ୟା ମାତ୍ର ୩ରୁ ୪ ପ୍ରତିଶତ ।
Kanak News is now on WhatsApp
Join and get latest news updates delivered to you via WhatsApp
ତେବେ ସାଧାରଣ ପେଟ୍ରୋଲ ଦର ଆଜି ୯୬ ଟଙ୍କା ୩୭ ପଇସା ଥିବା ବେଳେ ଡିଜେଲ ଦର ୮୬ ଟଙ୍କା ୮୪ ପଇସା ରହିଛି । ଏନେଇ ବିଭିନ୍ନ ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଇଛି । ଏପଟେ ଓଡିଶାରେ ପେଟ୍ରୋଲ ଦର ସର୍ବାଧିକ ୯୪ ଟଙ୍କା ଟପିଛି । ମାଲକାନଗିରି ଜିଲ୍ଲା କାଲିମେଳାରେ ଆଜି ପେଟ୍ରୋଲ ଦର ୯୪ ଟଙ୍କା ୬୨ ପଇସା ଥିବା ବେଳେ ଡିଜେଲ ୯୧ ଟଙ୍କା ୪ ପଇସା ରହିଛି ।