କନକ ବ୍ୟୁରୋ : ଦେଶରେ ଲଗାତାର ଭାବରେ ତୈଳଦର ବୃଦ୍ଧି ପାଇଁ ସାଧାରଣ ଜନତା ନାହିଁ ନଥିବା ଅସୁବିଧାର ସମ୍ମୁଖୀାନ ହେଉଛନ୍ତି । ପ୍ରତ୍ୟେକ ଦିନ ପେଟ୍ରୋଲ ଓ ଡିଜେଲ ଦର ବଢିବା କାରଣରୁ ତାହାର ସିଧାସଳଖ ପ୍ରଭାବ ପଡିଛି ବଜାରରେ । ପରିବହନ ପାଇଁ ଅଧିକ ଖର୍ଚ୍ଚ ହେଉଥିବାରୁ ଦେକାନୀମାନେ ଜିନିଷର ଦାମ ବଢାଉଛନ୍ତି । ତେଣୁ ବଜାରରେ ନିତ୍ୟବ୍ୟବହାର୍ଯ୍ୟ ସାମଗ୍ରୀର ଦର ମଧ୍ୟ ବଢୁଛି । ପରିସ୍ଥତିି ଏପରି ହେଲାଣି ଯେ, ଦେଶରେ ଅନେକ ସ୍ଥାନରେ ବର୍ତ୍ତମାନ ସମୟରେ ତୈଳଦର ୮୮ଟଙ୍କାରେ ପହଞ୍ଚିଲାଣି । ତେବେ ଏପରି ସ୍ଥିତିରେ ରାଜ୍ୟମାନେ କେତେକ ପରିମାଣରେ ଭାଟ କମାଉଥିବାର ଦେଖାଯାଇଛି । ଆନ୍ଧ୍ର, ରାଜସ୍ଥାନ ଓ ପଶ୍ଚିମବଙ୍ଗ ଭଳି ରାଜ୍ୟ ନିଜର ଭାଟ କମାଇଥିବା ଜଣାପଡିଛି । ତେବେ ପ୍ରତ୍ୟେକ ଦିନ ଦର ବୃଦ୍ଧି କାରଣରୁ ଅନେକ ଲୋକ ପ୍ରଭାବିତ ହୋଇଛନ୍ତି । ଗୁରୁତ୍ୱପୂର୍ଣ୍ଣ କଥା ହେଲା ଯେ, ଦର କମାଇବାପାଇଁ ଦିଲ୍ଲୀ ଏନସିଆର କୋର୍ଟରେ ଏକ ମାମଲା ହୋଇଥିବା ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ସାଧାରଣ ଲୋକମାନଙ୍କୁ ଧ୍ୟାନ ଦେଇ କୋର୍ଟରେ କୁହାଯାଇଛି ଯେ, କୋର୍ଟ ପେଟ୍ରୋଲ କମ୍ପାନୀମାନଙ୍କୁ ନିର୍ଦ୍ଦେଶ ଦିଅନ୍ତୁ ଯେ, ଯେଉଁ ପରି ଭାବରେ ପ୍ରତ୍ୟେକ ଦିନ ମୂଲ୍ୟ ବୃଦ୍ଧି ହେଉଛି ତାହାକୁ ରୋକାଯାଉ । କାରଣ କେନ୍ଦ୍ର ସରକାର ଓ ପେଟ୍ରୋଲିୟନ ମନ୍ତ୍ରଣାଳୟ କୈାଣଶି ପଦକ୍ଷେପ ନେଉନାହାନ୍ତି । କେବଳ ଏତିକି ନୁହେଁ କୋର୍ଟରେ ଆହୁରି ମଧ୍ୟ କୁହାଯାଇଛି ଯେ, ଯେଉଁ ସମୟରେ କର୍ଣ୍ଣାଟକର ନିର୍ବାଚନ ହୋଇଥିଲା ପାଖାପାଖି ୨୦ ଦିନ ପର୍ଯ୍ୟନ୍ତ ତୈଳଦର ବୃଦ୍ଧି ହୋଇନଥିଲା । ତେବେ ରାଜନୈତିକ କାରଣ ପାଇଁ କେନ୍ଦ୍ର ସରକାର ସେହି ସମୟରେ ଦର ବୃଦ୍ଧି କରିନଥିଲେ । ବର୍ତ୍ତମାନ ସମୟରେ ସରକାର କହିଛନ୍ତି ଯେ, ଅନ୍ତାରାଷ୍ଟ୍ରୀୟ ବଜାରରେ ଅଶୈାଧିତ ତୈଳଦରରେ ମୂଲ୍ୟ ବୃଦ୍ଧି ହେବା କାରଣରୁ ଦେଶରେ ଏପରି ଭାବରେ ତୈଳଦର ବୃଦ୍ଧି ହେଉଛି । ଏହାସହ କେନ୍ଦ୍ର ସରକାରଙ୍କ ହାତରେ କିଛି ନାହିଁ ବୋଲି ସେମାନେ କହୁଛନ୍ତି । ତେଣୁ କୋର୍ଟ ଏହି ମାମଲାରେ ହସ୍ତକ୍ଷେପ କରି ସାଧାରଣ ଲୋକମାନଙ୍କୁ ନ୍ୟାୟ ଦିଅନ୍ତୁ ବୋଲି ଏକ ଜନସ୍ୱାର୍ଥ ମାମଲା ରୁଜୁ ହୋଇଛି । ଆଜି ଏହି ମାମଲା ଉପରେ କୋର୍ଟ ରାୟ ଦେଇପାରନ୍ତି ତେବେ ଏପରି ଐତିହାସିକ ମାମଲାକୁ ସାରା ଭାରତର ଜନସାଧାରଣ ଅପେକ୍ଷା କରିରହିଥିବା ଜଣାପଡିଛି ।