କନକ ବ୍ୟୁରୋ: ଭୟାବହ ଆର୍ଥିକ ସଙ୍କଟ ଦେଇ ଗତି କରୁଥିବା ଶ୍ରୀଲଙ୍କାରେ ପେଟ୍ରୋଲ, ଡିଜେଲ ପରେ ଏବେ ଗ୍ୟାସ ସରିବାକୁ ବସିଲାଣି । ରାଜଧାନୀ କଲମ୍ବୋଠୁ ନେଇ ପୂରା ଶ୍ରୀଲଙ୍କାରେ ହାହାକାର ପରିସ୍ଥିତି ଦେଖା ଦେଇଛି । ସେପଟେ ଶ୍ରୀଲଙ୍କା ପ୍ରଧାନମନ୍ତ୍ରୀ ଏକଥା ବି ସ୍ପଷ୍ଟ କରିଛନ୍ତି, ଦେଶର ବିଦେଶୀ ମୁଦ୍ରା ଭଣ୍ଡାର ସରିବାକୁ ବସିଲାଣି ।ଏହି କାରଣରୁ ସେ ପେଟ୍ରୋଲ, ଡିଜେଲ, ଗ୍ୟାସ ଓ ଅନ୍ୟାନ୍ୟ ଅତ୍ୟାବଶୀକୀୟ ଜିନିଷ କିଣିବା ପାଇଁ ଅସହାୟ ହୋଇପଡିଛନ୍ତି । ଦିନକୁ ଦିନ ସଂଗୀନ ହେଉଛି ଶ୍ରୀଲଙ୍କାର ସ୍ଥିତି । ଭୟଙ୍କର ଆର୍ଥିକ ସଙ୍କଟ ଦେଇ ଗତି କରୁଛି ଦେଶ । ଖାଦ୍ୟ ଅଭାବ ଠୁ ନେଇ ଅତ୍ୟାବଶକୀୟ ଜିନିଷ ମିଳୁନି ।
Kanak News is now on WhatsApp
Join and get latest news updates delivered to you via WhatsApp
ଦଇବ ଦାଉ ସାଧିବା ପରି ଲଙ୍କା ନଗରୀରେ ପେଟ୍ରୋଲ ସରିବା ପରେ ଏବେ ଗ୍ୟାସର ଘୋର ଅଭାବ ବଡ ସମସ୍ୟା ହୋଇ ମୁଣ୍ଡ ଟେକିଛି । ଗ୍ୟାସ ନେବାକୁ ଦୀର୍ଘ କିଲୋମିଟର ଯିବା ସହ ୪-୫ ଘଂଟା ସମୟ ଧରି ଛିଡା ହେଉଛନ୍ତି ଶ୍ରୀଲଙ୍କା ନାଗରୀକ । ଦେଶରେ ପେଟ୍ରୋଲର ଘୋର ସଙ୍କଟ । କହିବାକୁ ଗଲେ ଶ୍ରୀଲଙ୍କାରେ ପେଟ୍ରୋଲ ଆଦୌ ନାହିଁ । ଏହା ଭିତରେ ୨ଟି ପେଟ୍ରୋଲ ଜାହଜ ଶ୍ରୀଲଙ୍କା ବନ୍ଦରରେ ଲାଗିଥିଲେ ବି ସରକାରଙ୍କ ପାଖରେ ଅର୍ଥ ଅଭାବ ଏବେ ଏହାକୁ କିଣିବା ପାଇଁ ବାଧକ ସାଜିଛି । ଶ୍ରୀଲଙ୍କାର ଶକ୍ତିମନ୍ତ୍ରୀ କହିଛନ୍ତି , ଦେଶରେ ଅର୍ଥର ଘୋର ଅଭାବ ରହିଛି ।
ତେଣୁ ପେଟ୍ରୋଲ କିିଣିବା ପାଇଁ ସରକାର ଅସମର୍ଥ । ସେପଟେ ଅଭାବକୁ ବିରୋଧ କରି ପୂରା ଶ୍ରୀଲଙ୍କାରେ ଜୋରଦାର ପ୍ରଦର୍ଶନ ଚାଲିିଛି । ଦେଶରେ ଶାନ୍ତି ବଜାୟ ରଖିବାକୁ ଦେଶବାସୀଙ୍କୁ ଅପିଲ କରିଛନ୍ତି ପ୍ରଧାନମନ୍ତ୍ରୀ ରାନିଲ ବିକ୍ରମସିଂଘେ । ସେପଟେ ଏଭଳି ଜଟିଳ ସ୍ଥିତିରେ ଦେଶକୁ ୧ ହଜାର ୨ ଶହ ୪୩ କୋଟି ଟଙ୍କାର ସହାୟତାର ହାତ ବଢାଇଛି ବିଶ୍ୱବ୍ୟାଙ୍କ । କିଛି ଦିନର ରାଜନୈତିକ ଅସ୍ଥିରତା ଶ୍ରୀଲଙ୍କାକୁ ଦୋହଲାଇବା ପରେ ବର୍ତମାନ ସ୍ଥିତିରେ ସୁଧାର ଆସିଛି । କିନ୍ତୁ ନୂଆ ସରକାର ଦେଶର ଆର୍ଥିକ ସଙ୍କଟର ସମସ୍ୟା ଦୂର କରିବାରେ ଫେଲ ମାରିଛନ୍ତି । ୧୯୪୮ରେ ସ୍ୱାଧୀନତା ପରଠୁ ଶ୍ରୀଲଙ୍କା ସବୁଠୁ ଖରାପ ଆର୍ଥିକ ସଙ୍କଟ ଦେଇ ଗତି କରୁଛି ଦେଶ ।