ଶସ୍ତା ହେବ ତେଲ ଦର : ପେଟ୍ରୋଲ ଓ ଡିଜେଲ ଉପରୁ ସରକାର କମାଇଲେ ଅବକାରୀ ଟିକସ
କନକ ବ୍ୟୁରୋ : ତେଲ ଦର କମିବ । ଆଜି ମଧ୍ୟରାତ୍ରରେ ଲାଗୁ ହେବ ନୂଆ ଦର । କେନ୍ଦ୍ର ସରକାର ପେଟ୍ରୋଲ, ଡିଜେଲ ଉପରୁ ମୂଳ ଅବକାରୀ ଟିକସରୁ ୨ ଟଙ୍କା କମାଇଛନ୍ତି । ଏନେଇ ଟ୍ୱିଟ୍ କରିଛନ୍ତି ଅର୍ଥ ମନ୍ତ୍ରାଳୟ । ସାଧାରଣ ଲୋକଙ୍କ ସ୍ୱାର୍ଥକୁ ନଜରରେ ରଖି ଏହି ନିଷ୍ପତ୍ତି ନିଆଯାଇଛି ବୋଲି କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏବେ ଦେଶର ଅଧିକାଂଶ ରାଜ୍ୟରେ ପେଟ୍ରୋଲ ଦର ପ୍ରାୟ ୭୦ ଟଙ୍କା ଏବଂ ଡିଜେଲ ଦର ପ୍ରାୟ ୬୦ ଟଙ୍କା ଟପିଛି । ଏପଟେ କେନ୍ଦ୍ର ସରକାରଙ୍କ ନିଷ୍ପତି ପରେ ଦେଶକୁ ବାର୍ଷିକ ୨୬ ହଜାର କୋଟି ଟଙ୍କାର ବୋଝ ପଡିବ ବୋଲି ଅର୍ଥମନ୍ତ୍ରାଳୟ କହିଛି । କେନ୍ଦ୍ରରେ ଏନଡିଏ ସରକାର ଆସିବା ପରଠାରୁ ଏଯାଏଁ ଡିଜେଲ ଉପରେ ଅବକାରୀ ଶୁଳ୍କ ୩୮୦ ପ୍ରତିଶତ ଟପିଲାଣି ବୋଲି ସୂଚନା ମିଳିଛି । ସେହିପରି ପେଟ୍ରୋଲ ଉପରେ ଏହା ୧୨୦ ପ୍ରତିଶତ ଟପିସାରିଛି । ପ୍ରଥମ ଥର ପାଇଁ କେନ୍ଦ୍ର ସରକାର ଏହି ଟିକସରେ କିଛି କାଟ୍ କରିଛନ୍ତି ।