କାଲିର ରେକର୍ଡକୁ ଫୁ କରି ଉଡ଼ାଇଦେଲା ସୋରର ଦୃଶ୍ୟ । କୋଭିଡ୍ ଟିକା ପାଇଁ ଲାଗିଲା ଲମ୍ବା ଲାଇନ୍, ବର୍ଷାରେ ଭିଜି ଛତା ଧରି ରାତି ଅଧରୁ ଅପେକ୍ଷା କଲେ ଶହ ଶହ ଲୋକ ।
କନକ ବ୍ୟୁରୋ : ଗୋଟିଏ ଦିନରେ କୋଟିଏ ଟିକାର ରେକର୍ଡ କରୁଛି ଦେଶ । ଅନ୍ୟପଟେ ଟିକା ପାଇଁ ଲୋକେ ବର୍ଷାରେ ଭିଜି ଭିଜି ଘଣ୍ଟା ଘଣ୍ଟା ଅପେକ୍ଷା କରିରହିଛନ୍ତି । ବାଲେଶ୍ୱର ସୋରରୁ ଟିକାକରଣକୁ ନେଇ ଆସିଛି ଏଭଳି ଅଭାବନୀୟ ଚିତ୍ର । କୋଭିଡ ଟିକା ପାଇଁ ଲାଗିଛି ଲମ୍ବା ଲାଇନ । ବର୍ଷାରେ ଭିଜି ଭିଜି ଟିକା ପାଇଁ ରାତି ଅଧରୁ ଅପେକ୍ଷା କରିଛନ୍ତି ଶହ ଶହ ଲୋକ ।
Kanak News is now on WhatsApp
Join and get latest news updates delivered to you via WhatsApp
କରୋନା ବିରୋଧୀ ଲଢ଼େଇରେ ଅଧିକରୁ ଅଧିକ ଟିକାକରଣ ଉପରେ ଗୁରୁତ୍ୱ ଦିଆଯାଉଥିବା ବେଳେ ଟିକା ନେବା ପାଇଁ ଲୋକେ ହନ୍ତସନ୍ତ ହେଉଛନ୍ତି । ଟିକା ପାଇଁ ଲୋକେ ବର୍ଷାରେ ଭିଜି ଭିଜି ଘଂଟା ଘଂଟା ଅପେକ୍ଷା କରି ରହିଛନ୍ତି । ବାଲେଶ୍ୱର ସୋରରୁ ଆସିଥିବା ଏହି ଘଟଣା ଟିକାକରଣକୁ ନେଇ ସାଧାରଣ ଲୋକଟିଏ ଏବେବି କିପରି କଷ୍ଟ ସହୁଛି, ତାହା ବୟାନ କରୁଛି ।
କୋଭିଡ ଟିକା ପାଇଁ ଲାଗିଛି ଲମ୍ବା ଲାଇନ । ବର୍ଷାରେ ଭିଜି ଭିଜି ଟିକା ପାଇଁ ରାତି ଅଧରୁ ଅପେକ୍ଷା କରିଛନ୍ତି ଶହ ଶହ ଲୋକ । ଦିନରେ ୧୮ରୁ ୪୪ବର୍ଷ ବୟସର ଲୋକଙ୍କ ପାଇଁ ଟିକାକରଣ ଓ ୪୫ବର୍ଷରୁ ଉର୍ଦ୍ଧ ପାଇଁ ୧୪୦ଟି ପ୍ରଥମ ଡୋଜ ଓ ୬୦ଟି ଦ୍ୱିତୀୟ ଡୋଜ ଦିଆଯିବାର ଥିଲା । ତେବେ ୪୫ବର୍ଷରୁ ଉର୍ଦ୍ଧ ଲୋକଙ୍କ ପାଇଁ ଅନସ୍ପଟ ରେଜିଷ୍ଟ୍ରେସନ ହେଉଥିବା ବେଳେ ଲୋକେ ଅଧରାତିରୁ ଅପେକ୍ଷା କରିରହିଛନ୍ତି । ବର୍ଷାରେ ଭିଜି ଭିଜି ଶହ ଶହ ଲୋକ ଛିଡା ହୋଇଥିବା ଦେଖିବାକୁ ମିଳିଛି ।
ଟିକା ପାଇଁ ସୋରରେ ଏପରି ଅବସ୍ଥା ବେଳେ ଅନ୍ୟପଟେ ଦେଶରେ ଗୋଟିଏ ଦିନରେ କୋଟିଏ ଟିକାର ରେକର୍ଡ ହୋଇସାରିଛି । ଶୁକ୍ରବାର ଦେଶରେ ୧ କୋଟି ୬୪ ହଜାର ୩୨ ଡୋଜ୍ ଟିକା ଦିଆଯାଇଛି ।
ଜାନୁୟାରୀ ୧୬ ତାରିଖରେ ଦେଶରେ ଟିକାକରଣ ଆରମ୍ଭ ହୋଇଥିଲା । ଡିସେମ୍ବର ସୁଦ୍ଧା ଦେଶରେ ସମ୍ପୂର୍ଣ୍ଣ ଟିକାକରଣ ସାରିବାକୁ ଲକ୍ଷ୍ୟ ରଖିଛନ୍ତି କେନ୍ଦ୍ର ସରକାର । ହେଲେ ବିଶେଷଜ୍ଞଙ୍କ ମତରେ ଲକ୍ଷ୍ୟ ପୂରଣ କରିବାକୁ ଟିକାକରଣର ବେଗକୁ ତ୍ୱରାନ୍ୱିତ କରିବାକୁ ହେବ । ଦେଶରେ ଏଯାଏଁ ୬୩ କୋଟି ପାଖାପାଖି ଟିକାକରଣ ହେଲାଣି । ୧୪ କୋଟିରୁ ଅଧିକ ଲୋକ ଟିକାର ଦୁଇଟି ଯାକ ଡୋଜ୍ ନେଇସାରିଥିବା ବେଳେ ୪୮ କୋଟିରୁ ଅଧିକ ଲୋକ ପ୍ରଥମ ଟିକା ନେଇସାରିଛନ୍ତି । ସେପଟେ ଓଡ଼ିଶାରେ ଏଯାଏଁ ୨ କୋଟି ୧୪ ଲକ୍ଷ ଟିକାକରଣ କରାଯାଇଛି । ଏହାମଧ୍ୟରୁ ୫୧ ଲକ୍ଷରୁ ଅଧିକ ଦୁଇଟି ଯାକ ଡୋଜ୍ ନେଇସାରିଥିବା ବେଳେ ୧ କୋଟି ୬୨ ଲକ୍ଷରୁ ଅଧିକ ପ୍ରଥମ ଟିକା ନେଇସାରିଛନ୍ତି ।