କନକ ବ୍ୟୁରୋ : ରାଜ୍ୟରେ ବଢ଼ୁଥିବା ସଂକ୍ରମଣକୁ ନେଇ ଜୋରସୋରରେ ଚାଲିଛି ଟିକାକରଣ । ହେଲେ ଟିକା ନେବାକୁ ଲୋକଙ୍କୁ ଲମ୍ବା ଧାଡ଼ିରେ ଠିଆ ହେବାକୁ ପଡ଼ୁଛି । ଧାଡ଼ିରେ ଠିଆ ହେଲେ ବି ଶେଷରେ ଟିକା ନ ନେଇ ଫେରିବାକୁ ପଡ଼ୁଛି । ବାଲେଶ୍ୱର ଜିଲ୍ଲା ରେମୁଣା ହାଇସ୍କୁଲରେ ଟିକା କେନ୍ଦ୍ର ବାହାରେ ରାତି ୩ରୁ ଲୋକଙ୍କ ଲମ୍ବା ଲାଇନ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ସକାଳ ୮ରୁ ଦିନ ୧୨ ପର୍ଯ୍ୟନ୍ତ ଟିକାକରଣ ହେଉଥିବା ବେଳେ ଟିକା ପାଇଁ ରାତି ଅଧରୁ ଲୋକେ ଧାଡ଼ିରେ ଆସି ଠିଆ ହେଉଛନ୍ତି । କେବଳ ୪୫ ବର୍ଷରୁ ଅଧିକ ଲୋକଙ୍କୁ ପ୍ରଥମ ଡୋଜ ଟିକା ଦିଆଯିବା ନେଇ ସୂଚନା ଦିଆଯାଇଥିଲେ ମଧ୍ୟ ଟିକା କେନ୍ଦ୍ର ବାହାରେ ଲୋକଙ୍କ ଭିଡ ଜମୁଛି । ଏଭଳି ସ୍ଥିତିରେ ଟିକା କେନ୍ଦ୍ର ବାହାରେ ଲୋକଙ୍କ ଅଯଥା ଭିଡ ଜମାଇବା ଦେଖିବାକୁ ମିଳିଛି । ସହର ମୁହାଁ ପରେ ଏବେ ଗାଁକୁ କରୋନା ମାଡ଼ୁଥିବା ବେଳେ ଏଭଳି ସ୍ଥିତିରେ ଟିକା କେନ୍ଦ୍ର ବାହାରେ ଗହଳି ସଂକ୍ରମଣ ଅଧିକ ବଢ଼ିବା ନେଇ ସନ୍ଦେହ କରାଯାଉଛି ।