କିମିଆ କଲା ନାଲିପାଣି ନିଶା…ଦୋକାନ ଖୋଲୁ ଖୋଲୁ ମଦ ପାଇଁ ସୃଷ୍ଟି ହେଲା ଅସମ୍ଭାଳ ଭିଡ: କେଉଁଠି ଦେଢ କିଲୋମିଟର ଯାଏଁ ଲମ୍ବିଛି ଲାଇନ ତ ପୁଣି କେଉଁଠି ଭିଡ ନିୟନ୍ତ୍ରଣ ପାଇଁ ଲାଠିଚାର୍ଜ କଲା ପୁଲିସ

କନକ ବ୍ୟୁରୋ: ତାଲାବନ୍ଦର ତୃତୀୟ ପଯ୍ୟାୟରେ ଦେଶର ମଦ ଦୋକାନ ଆଗରେ ପ୍ରବଳ ଭିଡ । ମଦ କିଣିବାକୁ ଦୋକାନ ଆଗରେ ଲମ୍ବା ଲାଇନ୍ ଲାଇନ ଲଗାଇଲେ ଲୋକେ । ଏଭଳି ଦୃଶ୍ୟ ଦେଖିବାକୁ ମିଳିଛି ଛତିଶଗଡ, ମୁମ୍ବାଇ, ଦିଲ୍ଲୀ, ବେଙ୍ଗାଲୁର ସମେତ ଦେଶର ବିଭିନ୍ନ ଅଂଚଳରେ ।

#WATCH: Police resorts to mild lathicharge outside a liquor shop in Kashmere Gate after social distancing norms were flouted by people outside the shop. #Delhi pic.twitter.com/XZKxrr5ThC

— ANI (@ANI) May 4, 2020

ଦିଲ୍ଲୀରେ ସବୁ ସୀମା ଟପିଯାଇଛନ୍ତି ମଦ କିଣିବାକୁ ଆସିଥିବା ଲୋକମାନେ । ପ୍ରାୟ ଦେଢ଼ କିଲୋମିଟର ପର୍ଯ୍ୟନ୍ତ ଲାଗିଛି ଲମ୍ବା ଲାଇନ୍ । ଖରାରେ ଠିଆ ହୋଇ ମଦ କିଣିବାକୁ ଅପେକ୍ଷା କରିଛନ୍ତି । ଦିଲ୍ଲୀରେ ଅସମ୍ଭାଳ ଭିଡ ହେବାରୁ ଲୋକଙ୍କୁ ଘଉଡାଇବା ପାଇଁ କୃଷ୍ଣନଗର ଅଂଚଳରେ ଲାଠି ଚାର୍ଜ କରିଛି ପୋଲିସ୍ । ଏପରିକି ଏହି ମଦଦୋକାନକୁ ପ୍ରଶାସନ ପକ୍ଷରୁ ବନ୍ଦ କରାଯାଇଥିବା ଜଣାପଡିଛି ।

#WATCH: People stand in a queue outside a liquor shop at Desh Bandhu Gupta Road in Delhi. Govt has allowed sale of liquor in standalone shops, neighbourhood (colony) shops or shops in residential complexes. pic.twitter.com/aF1g9cbz7L

— ANI (@ANI) May 4, 2020

ସେହିପରି ସବୁଠୁ ଅଧିକ କରୋନା ସଂକ୍ରମିତ ହୋଇଥିବା ମୁମ୍ବାଇରେ ମଧ୍ୟ ମଦ ଦୋକାନ ଆଗରେ ଲୋକମାନେ ଲାଇନ ଲଗାଇଛନ୍ତି । ଏଠି ଲକଡାଉନ ସମୟରେ ଥିବା ସାମାଜିକ ଦୂରତାକୁ ଫୁ କରି ଉଡାଇ ଦେଇଛନ୍ତି ଲୋକେ । ସତେ ଯେମିତି କୌଣସି ଗୁରୁତ୍ୱପୂର୍ଣ୍ଣ କାର୍ଯ୍ୟ ପାଇଁ ଧାଡି ଲଗାଇଛନ୍ତି । ହେଲେ ଏମାନେ ସମସ୍ତେ ମଦ ଦୋକାନ ଖୋଲିବା ପରେ ମଦ କିଣିବାକୁ ଧାଡି ଲଗାଇଛନ୍ତି ।

ଏଭଳି ଦୃଶ୍ୟ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ଗତକାଲି ତୃତୀୟ ପର୍ଯ୍ୟାୟ ଲକଡାଉନ ଶେଷ ହେବା ପରେ ତୃତୀୟ ପର୍ଯ୍ୟାୟ ଲକଡାଉନରେ ଅର୍ଥାତ ଆଜିଠାରୁ ଗ୍ରୀନ ଜୋନରେ ମଦ ଦୋକାନକୁ ସର୍ତମୂଳକ ଭାବେ ଖୋଲିବାକୁ ଅନୁମତି ଦେଇଥିଲେ କେନ୍ଦ୍ର ସରକାର ।

ତେବେ ଓଡିଶାର ଗ୍ରୀନ ଜୋନରେ ଅନେକ ସ୍ଥାନରେ ମଦ ଦୋକାନକୁ ଜିଲ୍ଲା ପ୍ରଶାସନ ବନ୍ଦ ରଖିଛି । ଆଜି ସକାଳେ ପୁରୀରେ ମଦ ଦୋକାନ ଖୋଲିଥିଲା । କିନ୍ତୁ ପ୍ରଶାସନିକ ଅଧିକାରୀମାନେ ସେଠାରେ ପହଁଚି ଦୋକାନ ବନ୍ଦ କରାଇଥିଲେ । ସେପଟେ ବରଗଡ ଜିଲ୍ଲା ପ୍ରଶାସନ ମଧ୍ୟ ମଦ ଦୋକାନ ବନ୍ଦ ରଖିବାକୁ ନିଷ୍ପତି ନେଇଛି । ଗ୍ରୀନ ଜୋନରେ ମଦ ଦୋକାନ ଖୋଲିବା ପାଇଁ କେନ୍ଦ୍ର ସରକାରଙ୍କ ଅନୁମତି ଥିଲେ ମଧ୍ୟ ଓଡିଶାର ସ୍ଥାନୀୟ ପ୍ରଶାସନ ମଦ ଦୋକାନ ବନ୍ଦ ରଖିବାକୁ ନିଷ୍ପତି ନେଇଛି । ମୟୂରଭଞ୍ଜ ଓ ବ୍ରହ୍ମପୁରରେ ମଧ୍ୟ ସ୍ଥାନୀୟ ପ୍ରଶାସନ ମଦ ଦୋକାନ ଖୋଲିବା ପାଇଁ ଅନୁମତି ଦେଇ ନାହିଁ । କଟକରେ ମଧ୍ୟ ମଦ ଦୋକାନ ବନ୍ଦ ଥିବା ଜଣାପଡିଛି ।