ରାସ୍ତା ଉପରେ ଆଣ୍ଠୁଏ ଉଚ୍ଚର ପାଣି । ଭୟ ଭିତରେ ଅଛନ୍ତି ପୁରୀ ଜିଲ୍ଲା ତଳିଆ ଅଞ୍ଚଳର ଲୋକେ
କନକ ବ୍ୟୁରୋ : ମହାନଦୀରେ ବନ୍ୟା ପାଣି ପ୍ରବାହିତ ହେବା ପରେ ତଳିଆ ଅଂଚଳ ଲୋକଙ୍କ ଚିନ୍ତା ବଢିଛି । ଭୟ ଭିତରେ ରହିଛନ୍ତି ପୁରୀ ଜିଲ୍ଲାର ତଳିଆ ଅଂଚଳର ଲୋକେ । ଜିଲ୍ଲାର ଲୁଣା, ରତ୍ନଚିରା, ଦୟା, ଭାର୍ଗବୀ, କୁଶଭଦ୍ରା, ଧନୁଆଁ, ଦେବୀ ଆଦି ନଦୀରେ ବନ୍ୟା ଜଳ ପ୍ରବାହିତ ହେବା ପରେ ଏବେ କଣାସ, ଗୋପ, କାକଟପୁର, ଅସ୍ତରଙ୍ଗ ଆଦି ଅଂଚଳରେ ବନ୍ୟାଜଳ ପ୍ରବାହିତ ହେଉଛି ।
Kanak News is now on WhatsApp
Join and get latest news updates delivered to you via WhatsApp
ବିଶେଷକରି ଗୋପରବିରତୁଙ୍ଗ, ଡଭାର, ମହଲପଡ଼ା ପଂଚାୟତରେ ପାଣି ପ୍ରବେଶ କରୁଥିବା ବେଳେ ଏହି ଅଂଚଳର ଅଧିକ ପଂଚାୟତ କ୍ଷତିଗ୍ରସ୍ତ ହେବା ଆଶଂକା କରାଯାଉଛି । ଦୟା ନଦୀର ବନ୍ୟା ଜଳ ପ୍ରଭାବରେ ପୁରୀ ଜିଲ୍ଲା କଣାସ ବ୍ଲକର ତଳିଆ ଅଂଚଳରେ ବନ୍ୟା ପାଣି ପଶି ଯାଇଛି । ରାସ୍ତା ଉପରେ ଆଣ୍ଠୁଏ ଉଚ୍ଚର ପାଣି ଚାଲୁଛି । ଫଳରେ ଶହ ଶହ ଲୋକ ପାଣି ଘେରରେ ରହିଛନ୍ତି । ଯାତାୟତ ଏକ ପ୍ରକାର ଠପ୍ ହୋଇଯାଇଛି । ବର୍ଷା ପାଣି ଛାଡି ନଥିବାବେଳେ ବନ୍ୟା ପାଣି ଲୋକଙ୍କ ଚିନ୍ତା ବଢ଼ାଇ ଦେଇଛି ।
କଚ୍ଚା ଘରକୁ ବଞ୍ଚାଇବା ପାଇଁ ଢିରା ଦେଇ ଲୋକେ ରଖିଛନ୍ତି । ଘରେ ଘରେ ପାଣି ଜମିଥିବାରୁ ଖାଇପାରୁ ନାହାନ୍ତି କି ଶୋଇ ପାରୁନାହାନ୍ତି । ଆରଆଇଙ୍କ ସହ ସ୍ଥାନୀୟ ଲୋକେ ଯୋଗାଯୋଗ କରିବା ପରେ ମଧ୍ୟ କିଛି ସୁବିଧା ମିଳିପାରିନାହିଁ । ଆରଆଇ କହିବା କଥା ଏ ପରେ ବନ୍ୟା ପାଣି ଆସିବ । ତା ପରେ ଯାହା କରିହେବ । ରନ୍ଧା ଖାଦ୍ୟ ମିଳିନଥିଲେ ମଧ୍ୟ ଶୁଖିଲା ଖାଦ୍ୟ ଯୋଗାଇ ଦିଆଯାଇଛି । ୮ଦିନ ହେବ ପାଣି ଘେରରେ ରହିଥିଲେ ମଧ୍ୟ କୌଣସି ପ୍ରକାର ସହାୟତା ମିଳିନି । ଭୋକିଲା ଅଛନ୍ତି ପିଲା ଛୁଆ, ଗାଇ ଗୋରୁଙ୍କ କିଛି ଖୋଜ ଖବର ନାହିଁ । କୌଣସି ମୂହୁର୍ତ୍ତରେ ଘର ଭୁଶୁଡି ଯାଇପାରେ, କଣ କରିବେ କେଉଁଠି ରହିଲେ ସେ ନେଇ ଚିନ୍ତାରେ ସ୍ଥାନୀୟ ଲୋକେ ।