ମାଡ଼ି ଚାଲିଛି କରୋନା…ମେଳା ମହୋତ୍ସବରେ ମାତିଛନ୍ତି ନବରଙ୍ଗପୁରବାସୀ : ଗାଁରେ ପାଳନ ହେଲା ଗଣପର୍ବ ବାଲିଯାତ୍ରା; ବସିଲା ଦୋକାନ ବଜାର, ନାଚ, ଗୀତରେ ମାତିଲେ ଶହ ଶହ ଲୋକ
କନକ ବ୍ୟୁରୋ : ନବରଙ୍ଗପୁର ଜିଲ୍ଲାରେ କରନା ସଂକ୍ରମଣ ବଢି ଚାଲିଥିବା ବେଳେ ଲୋକେ ପର୍ବ ପର୍ବାଣୀ ଓ ଯାନିଯାତ୍ରାରେ ମାତିଛନ୍ତି । ଶହ ଶହ ଲୋକ ଏକାଠି ହୋଇ କୋଭିଡ ନିୟମକୁ ଉଲ୍ଲଙ୍ଘନ କରିବାରେ ଲାଗିଛନ୍ତି । ଜିଲ୍ଲାର କୋଷାଗୁମୁଡ଼ା ବ୍ଲକ କର୍ଚାମାଲ ଗାଁରେ ସରକାରଙ୍କ କୋଭିଡ଼ କଟକଣା ସତ୍ୱେ, ପାଳନ ହେଉଛି ଗଣପର୍ବ ବାଲିଯାତ୍ରା । ନାଚ ଗୀତର ଆସର ଜମିଛି ।
Kanak News is now on WhatsApp
Join and get latest news updates delivered to you via WhatsApp
ଏବେ ଭୟାଭୟ କରୋନା ସ୍ଥିତିରେ ଏଭଳି ପର୍ବପର୍ବାଣୀ ଆୟୋଜନ ନକରିବା ପାଇଁ ନିର୍ଦ୍ଦେଶ ଥିଲେ ମଧ୍ୟ ସମସ୍ତ କଟକଣାକୁ ଅଣଦେଖା କରୁଛନ୍ତି ଗାଁଲୋକ । ଗତକାଲି କୋଷାଗୁମୁଡ଼ା ବ୍ଲକ କର୍ଚାମାଲରେ ଅମାନିଆଙ୍କ ଏଭଳି ବେପରୁଆ ମନୋଭାବ ଦେଖିବାକୁ ମିଳିଛି । ପାରମ୍ପରିକ ନାଚଗୀତରେ ମସଗୁଲ ହେବା ସହ କୌଣସି ଲୋକ ମାସ୍କ ପିନ୍ଧିନାହାନ୍ତି କିମ୍ବା ସମାଜିକ ଦୂରତା ରଖୁନାହାନ୍ତି । କଟକଣାକୁ ଅମାନ୍ୟ କରି ବାଲିଯାତ୍ରା ପାଳନ କରିବା ସହିତ ପ୍ରଶାସନିକ କଟକାଣାକୁ ଏକ ପ୍ରକାର ଚ୍ୟାଲେଞ୍ଜ କରିଛନ୍ତି ଗ୍ରାମବାସୀ ।
ତେବେ ଏତେ ସଂଖ୍ୟକ ଲୋକ ଜମା ହେବା ସହିତ ପ୍ରଶାସନ କେମିତି ଏହା ଜାଣି ପାରିଲା ନାହିଁ ତାହା ସବୁଠାରୁ ବଡ଼ ପ୍ରଶ୍ନବାଚୀ ହୋଇଛି । ଭିଡିଓ ଭାଇରାଲ ହେବା ପରେ କୋଡ଼ିଙ୍ଗା ତହସିଲଦାର ଶିବପ୍ରସାଦ ପଟ୍ଟନାୟକ, କୋଡ଼ିଙ୍ଗା ଥାନା ଅଧିକାରୀ ସରିତା ମହାପାତ୍ର ଗାଁରେ ପହଁଚିଥିଲେ। ନିୟମକୁ ଉଲ୍ଲଘନ କରିଥିବାରୁ ଯାତ୍ରା କମିଟି ଠାରୁ ୧୦ ହଜାର ଟଙ୍କା ଜରିମାନା ଆଦାୟ କରିଛନ୍ତି ।