ଅପଂହଚ ଇଲାକାର ଲୋକଙ୍କୁ ମିଳିବ ସ୍ୱାସ୍ଥ୍ୟସେବା : ରାଜନଗର ଅଂଚଳରେ ପ୍ରଥମ ଥର ଲାଗି ଚାଲିବ ବୋଟ ଆମ୍ବୁଲାନ୍ସ; ଜରୁରୀକାଳୀନ ସେବା ପାଇଁ ଗୁପ୍ତିଘାଟରେ କରାଗଲା ବ୍ୟବସ୍ଥା
କନକ ବ୍ୟୁରୋ : କେନ୍ଦ୍ରପଡା ରାଜନଗରରେ ପ୍ରଥମଥର ପାଇଁ ଚାଲିବ ବୋଟ ଆମ୍ବୁଲାନ୍ସ । ରାଜନଗର ଅଂଚଳର ଅଧିକାଂଶ ଗାଁ ଗୁଡିକ ନଦୀ, ନାଳ ଘେରା ହୋଇଥିବାରୁ ଅନେକ ସମୟରେ ୧୦୮ ଆମ୍ବୁଲାନ୍ସ ସେହି ଅଂଚଳରେ ପହଁଚି ପାରେନାହିଁ । ଯାହାଫଳରେ ଲୋକେ ବିଭିନ୍ନ ସମୟରେ ଅସୁବିଧାର ସମ୍ମୁଖୀନ ହୋଇଥାନ୍ତି । ଯେଉଁ ଅଂଚଳ ଗୁଡିକରେ ଆମ୍ବୁଲାନ୍ସ ପହଁଚିପାରୁନାହିଁ, ସେହି ସବୁ ଦୁର୍ଗମ ଅଂଚଳର ଲୋକମାନଙ୍କ ସୁବିଧାକୁ ନଜରର ରଖି ଏହି ବୋଟ ଆମ୍ବୁଲାନ୍ସ ସେବା ଆରମ୍ଭ ହେବ । ଏହାଦ୍ୱାରା ରାଜନଗର ବ୍ଲକର ପାଖାପାଖି ୫ଟି ପଂଚାୟତର ଲୋକେ ଉପକୃତ ହେବେ । ରାଜନଗର ବ୍ଲକର ଗୁପ୍ତି ଘାଟ ଠାରେ ଏହି ବୋଟ ଆମ୍ବୁଲାନ୍ସଟିକୁ ରଖାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ରଂଗଣୀ, ତାଳଚୁଆ, ବାଘମାରି, କୃଷ୍ଣନଗର, ଇଶ୍ୱରପୁର, ଘଡିଆମାଳ ପ୍ରଭୃତି ପଂଚାୟତର ରୋଗୀମାନଙ୍କୁ ଏହି ଆମ୍ବୁଲାନ୍ସ ଦ୍ୱାରା ଜରୁରୀକାଳିନ ସେବା ଯୋଗାଇ ଦିଆଯିବ । ପ୍ରଥମଥର ପାଇଁ ରାଜନଗର ଅଂଚଳରେ ବୋଟ ଆମ୍ବୁଲାନ୍ସ ସେବା ଆରମ୍ଭ ହୋଇଥିବାରୁ ନଦୀନାଳ ଘେରା ଲୋକେ ଆଶ୍ୱସ୍ତ ହୋଇଛନ୍ତି ।