କନକ ବ୍ୟୁରୋ: ଆଜି ଯେତେବେଳେ ନିର୍ବାଚନ ଫଳାଫଳର ଟ୍ରେଣ୍ଡ ଆସୁଥିଲା, ବରିଷ୍ଠ କଂଗ୍ରେସ ନେତା ନରସିଂହ ମିଶ୍ରଙ୍କ ଏକ ବୟାନକୁ ନେଇ ଚର୍ଚ୍ଚା ହୋଇଥିଲା । ବଲାଙ୍ଗିରରେ ବି କଂଗ୍ରେସର ପ୍ରଦର୍ଶନ ସେତେ ଭଲ ନଥିଲା ଆଉ ନରସିଂହ କହିଥିଲେ, ଓଡିଶାବାସୀ ସରକାରଙ୍କୁ ଏକଛତ୍ରବାଦୀ ହେବା ପାଇଁ ଭୋଟ୍ ଦେଉଛନ୍ତି । ତେବେ ଏମିତି କାହିଁକି କହିଲେ ନରସିଂହ ?
Kanak News is now on WhatsApp
Join and get latest news updates delivered to you via WhatsApp
ଭୋଟ ଗଣତିର ପ୍ରଥମ ଦିନର ଆସୁଥିବା ଟ୍ରେଣ୍ଡକୁ ଦେଖିଲେ ସ୍ପଷ୍ଟ ଜଣାପଡୁଛି, ଶାସକ ଦଳ ସପକ୍ଷରେ ରହିଛି ଜନମତ । ଆଉ ବିରୋଧୀ ବିଜେପି ଓ କଂଗ୍ରେସ ବିପର୍ଯ୍ୟୟର ସମ୍ମୁଖୀନ ହେବାକୁ ଯାଉଛନ୍ତି । ଏହି ଫଳାଫଳକୁ ଦେଖି ଆଶ୍ଚର୍ଯ୍ୟ ପ୍ରକଟ କରିବା ସହ କଟାକ୍ଷ କରିଛନ୍ତି କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର । ତେବେ ଭୋଟ ଗଣତି ଜାରି ରହିଥିବାବେଳେ, ଆସୁଥିବା ପ୍ରାଥମିକ ଟ୍ରେଣ୍ଡକୁ ଦେଖି, କଂଗ୍ରେସ ବିଧାୟକ ଦଳ ନେତା ତଥା ରାଜ୍ୟର ଅନୁଭବୀ ନେତା ନରସିଂହ ମିଶ୍ରଙ୍କ ଏହି କଥା ଚର୍ଚ୍ଚାର ବିଷୟ ହୋଇଛି । ସେ କହିଛନ୍ତି, ଗଣତାନ୍ତ୍ରିକ ବ୍ୟବସ୍ଥାରେ ଏକଛତ୍ରବାଦୀ ସରକାର ହେବା ପାଇଁ ଏଥର ଭୋଟ ଦେଇଛନ୍ତି ଓଡିଶା ବାସୀ ।
ସାଧାରଣତଃ ନିର୍ବାଚନରେ ଜନମତକୁ ଦଳ ଏବଂ ନେତା ମାନି ନିଅନ୍ତି । କୌଣସି ପରିସ୍ଥିତିରେ ଜନତାଙ୍କୁ ଦୋଷ ଦିଅନ୍ତି ନାହିଁ । ଏହି ପ୍ରସଙ୍ଗରେ ଜଣେ ରାଜନୈତିକ ସମୀକ୍ଷକ ତାଙ୍କୁ ପଚାରିଥିଲେ ସେ କଣ ଏଥିପାଇଁ ଲୋକଙ୍କୁ ଦୋଷ ଦେଉଛନ୍ତି । ଏହାର ଉତ୍ତର ଦେଇ ଏମିତି କହିଥିଲେ ନରସିଂହ ମିଶ୍ର । ଓଡିଶାର ହୁଏତ କୌଣସି ଏକଛତ୍ରବାଦୀ ଶାସକ ଶାସନ କରିବା ସମ୍ଭବ ହୋଇନପାରେ । କିନ୍ତୁ ନରସିଂହ କହିବା ପାଇଁ ଚାହିଁଛନ୍ତିି, ରାଜ୍ୟରେ ଯେଉଁଭଳି ଭାବେ ଶାସକ ଦଳ ସପକ୍ଷରେ ଏକତରଫା ଭୋଟ୍ ହୋଇଛି, ତାହା ରାଜ୍ୟକୁ ବିରୋଧୀ ଶୂନ୍ୟ କରିବା ଭଳି ପରିସ୍ଥିତି ସୃଷ୍ଟି କରିଛି ।