ଆଦିତ୍ୟଙ୍କ ମୃତ୍ୟୁକୁ ନେଇ ବଢୁଛି ରହସ୍ୟ । ବିଦ୍ୟାଶ୍ରୀଙ୍କୁ ନେଇ ପ୍ରଶ୍ନ ଉଠାଇଲା ପୁପୁଲସ୍ ଫର ସେବା? କ୍ରାଇମବ୍ରାଞ୍ଚ ବଦଳରେ ଦାବି କଲେ ସିବିଆଇ ତଦନ୍ତ ।
କନକ ବ୍ୟୁରୋ : ମାନବପ୍ରେମୀ ଆଦିତ୍ୟ ଦାଶ ମୃତ୍ୟୁ ମାମଲାରୁ ହଟୁନି ପରଦା । ମୃତ୍ୟୁ, ଆତ୍ମହତ୍ୟା ଓ ହତ୍ୟାର ତ୍ରିଭୂଜ ଭିତରେ ଭଉଁରୀ ଖେଳୁଛି ପୁରା ମାମଲା । ଏପରି କି ଜିଆରପିରୁ କ୍ରାଇମବ୍ରାଞ୍ଚ ଯାଏଁ ପହଂଚିଲାଣି ମାମଲା । କିନ୍ତୁ ଏବେ ବି ରହସ୍ୟ ଘେରରେ ଆଦିତ୍ୟ ମୃତ୍ୟୁ ମାମଲା । ଅନ୍ୟପଟେ ଘଟଣାର ସଠିକ ତଦନ୍ତ ପାଇଁ ସିବିଆଇ ହସ୍ତକ୍ଷେପ ଲୋଡିଛନ୍ତି ପୁପୁଲସ୍ ଫର ସେବା ସଦସ୍ୟ । ଦୋଷୀକୁ ଦଉଚିତ ଦଣ୍ଡ ପାଇଁ ନିବେଦନ କରିଛନ୍ତି ପରିବାର ଲୋକେ ।
Kanak News is now on WhatsApp
Join and get latest news updates delivered to you via WhatsApp
ମୃତ୍ୟୁ, ଆତ୍ମହତ୍ୟା ଏବଂ ହତ୍ୟା, ଏହି ତିନୋଟି ବିନ୍ଦୁ ଭିତରେ ଘୁରିବୁଲୁଥିବା ପୁରା ମାମଲା ଏହାରି ଭିତରେ ଜିଆର୍ପି ଦେଇ କ୍ରାଇମ୍ବ୍ରାଂଚ ଯାଏଁ ପହଂଚିଗଲାଣି, ହେଲେ ଗୁମର ଖୋଲୁନି । ମାନବପ୍ରେମୀ ଆଦିତ୍ୟ ଦାଶ ମୃତ୍ୟୁ ମାମଲାରୁ ହଟୁନି ପରଦା ।
ଆତ୍ମହତ୍ୟା ନା’ ହତ୍ୟା? ଷଡଯନ୍ତ୍ର ନା ଅଘଟଣ? ଘଟଣାର ଦେଢ଼ ମାସ ପରେ ବି ଯେତେବେଳେ ପୁରା ଘଟଣା ଉପରେ ସନ୍ଦେହ ଓ ଆଶଙ୍କାର ବାଦଲ ଘନେଇବାରେ ଲାଗିଛି ଠିକ୍ ସେତେବେଳେ ସାମ୍ବାଦିକ ସମ୍ମିଳନୀ କରି ସିବିଆଇ ତଦନ୍ତ ଦାବି କରିଛନ୍ତି ପୁପୁଲସ୍ ଫର ସେବା ସଦସ୍ୟ । ପୁପୁଲସ୍ ଫର ସେବାର ସଦସ୍ୟଙ୍କ ଅଭିଯୋଗ ହେଲା । ମନ୍ଥରଗତିରେ ଚାଲିଛି ତଦନ୍ତ! । ସମସ୍ତଙ୍କର ସିଡିଆର୍ ବା କଲ୍ ଡିଟେଲ୍ ରିପୋର୍ଟ ଯାଂଚ କରାଯାଉ । ଦୋଷୀଙ୍କୁ ଜନସାଧାରଣଙ୍କ ସାମ୍ନାକୁ ଅଣାଯାଉ ।
ବଡ଼ କଥା ହେଉଛି ପୁରା ଘଟଣାରେ ପତ୍ନୀ ବିଦ୍ୟାଶ୍ରୀଙ୍କ ଭୂମିକାକୁ ନେଇ ସାମ୍ମାଦିକ ସମ୍ମିଳନୀରେ ପ୍ରଶ୍ନ ଉଠାଯାଇଥିବା ବେଳେ ବିଦ୍ୟାଶ୍ରୀ ତଦନ୍ତ ଉପରେ ବିଶ୍ୱାସ ଥିବା କହିଛନ୍ତି । ଏପଟେ ଆଦିତ୍ୟ ଦାଶଙ୍କ ମା’ ଦୋଷୀଙ୍କୁ ଉଚିତ ଦଣ୍ଡ ଦିଆଯାଉ ବୋଲି ଦାବି କହିଛନ୍ତି । ଏସବୁ ଭିତରେ ପ୍ରଶ୍ନ ଉଠୁଛି ତଦନ୍ତର ଦିଗ ଯାଉଛି କୁଆଡେ? ଏବଂ ମୃତ୍ୟୁର ପ୍ରକୃତ ରହସ୍ୟ କ’ଣ? ମାନବପ୍ରେମୀ ଆଦିତ୍ୟ ଦାଶଙ୍କ ମୃତ୍ୟୁର ପ୍ରାୟ ଦେଢ଼ ମାସ ପରେ ବି ଏହି ସବୁ ପ୍ରଶ୍ନ, ରହସ୍ୟ ଭିତରେ ରହିଛି ।