ବାରମ୍ବାର ଚଢ଼ାଉ ପରେ ବି ମାନୁ ନାହାନ୍ତି ଅମାନିଆ : ପୁଣି ହିଂଜିଳିକାଟୁରେ ହଜାରେ ଜଣଙ୍କ ପାଇଁ ଚାଲିଥିଲା ବାହାଘର ଭୋଜି
ବିଡିଓ ଥାନା ଅଧିକାରୀ ଚଢ଼ାଉ କରି ବନ୍ଦ କଲେ ଭୋଜି, ଗାଁରେ ବାଂଟିଲେ ଖାଦ୍ୟ
କନକ ବ୍ୟୁରୋ : ବଢ଼ୁଛି ସଂକ୍ରମଣ । ହେଲେ କଟକଣା ମାନୁନାହାନ୍ତି ଲୋକେ । ସରକାରଙ୍କ ନିୟମକୁ ବେଖାତିର କରି ଗାଁରେ ହେଉଛି ବାହାଘର ଭୋଜିର ଆୟୋଜନ । ପୂର୍ବରୁ ୫୦ଜଣଙ୍କ ସରକାର ବିବାହ ପାଇଁ ଅନୁମତି ଦେଇଥିବା ବେଳେ ଏବେ ୨୫ଜଣ ଉପସ୍ଥିତ ରହିବା ନେଇ ନିର୍ଦ୍ଦେଶ ଦେଇଛନ୍ତି । ହେଲେ ଅମାନିଆ କଟକଣାକୁ ମାନୁନଥିବା ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଗଂଜାମ ହିଂଜିଳିକାଟୁ ବ୍ଲକ ପି ଗୋନୀନାଥପୁର କଲ୍ୟାଣ ମଣ୍ଡପରେ ଗଗନଙ୍କ ବାହାଘର ଚାଲିଥିବା ବେଳେ ହଜାରେ ଲୋକଙ୍କ ପାଇଁ ହୋଇଥିଲା ଭୋଜିର ଆୟୋଜନ ହୋଇଥିଲା । ଖବର ପାଇ ହିଂଜିଳିକାଟୁ ବିଡିଓ ସୁବ୍ରତ କୁମାର ଜେନା ଓ ଥାନା ଅଧିକାରୀ ଅଭିମନ୍ୟୁ ଦାସ ଚଢ଼ାଉ କରିଥିଲେ । ଜରିମାନା ଆଦାୟ କରିବା ସହ ରନ୍ଧା ଯାଇଥିବା ଖାଦ୍ୟ ସାମଗ୍ରୀକୁ ଗାଁରେ ବଂଟନ କରାଯାଇଥିଲା ।