ବାଜିରେ ଲାଗିଛି ଜୀବନ : ସୁନ୍ଦରଗଡ ଦେଓନଦୀରେ ବିପଦଜନକ ଜଳଯାତ୍ରା କରୁଛନ୍ତି ଲୋକେ । ତାଲାବନ୍ଦ ଯୋଗୁ ଡଙ୍ଗା ଚଳାଚଳ ବନ୍ଦ । ମୁଣ୍ଡରେ ସାଇକେଲ ବୋହି ପାର ହେଉଛନ୍ତି ଭରା ନଈ
କନକ ବ୍ୟୁରୋ : ଜୀବିକା ପାଇଁ ବାଜିରେ ଲାଗିଛି ଜୀବନ । ବର୍ଷା ରୁତୁ ଆରମ୍ଭରୁ ସୁନ୍ଦରଗଡ ଜିଲ୍ଲା ନୂଆ ଗାଁ ବ୍ଲକ ବାସିନ୍ଦାଙ୍କ ଦୁଃଖ ବଢିଛି । ରାଉରକେଲା ଯିବା ପାଇଁ ଉଭୟ ପୁରୁଷ ଓ ମହିଳା ଭରା ନଈରେ ସାଇକେଲ ମୁଣ୍ଡରେ ବୋହି ଦେଓ ନଦୀ ପାର ହେଉଥିବା ଦେଖିବାକୁ ମିଳିଛି । କୋଭିଡ କଟକଣା ଯୋଗୁଁ ଡଙ୍ଗା ଚଳାଚଳ ବନ୍ଦ ରହିଛି । ତେଣୁ ବାଧ୍ୟ ହୋଇ ଲୋକେ ଜୀବନକୁ ବାଜିରେ ଲଗାଇ ଲୋକେ ନଇପାରି ହେଉଛନ୍ତି । ବର୍ଷା ରୁତୁରେ ରାଉରକେଲା କର୍ମକ୍ଷେତ୍ରକୁ ଯିବାକୁ ହେଲେ ସାଇକେଲ ମୁଣ୍ଡା ନଦୀ ପାର ହେବାକୁ ପଡୁଛି । ଯଦି ନଦୀରେ ପାଣି ବଢିଲା, ସେହିଦିନ ଚୁଳି ଜଳିବା ବନ୍ଦ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଦେଓ ନଦୀ ଉପରେ ପୋଲ ନିର୍ମାଣ କାମ ମନ୍ଥର ଗତିରେ ଚାଲିଥିବାରୁ ଲୋକଙ୍କ ବିପଦଜନକ ଜଳଯାତ୍ରା କରିବାକୁ ବାଧ୍ୟ ହେଉଛନ୍ତି । ସେପଟେ କୋଏଲ ନଦୀର ହମିରପୁର ଓ ବୈକୁଣ୍ଠ ଘାଟରେ ମଧ୍ୟ ସମାନ ଦୃଶ୍ୟ ଦେଖିବାକୁ ମିଳିଛି ।