ପେଗାସସ୍ ସ୍ପାଏୱେର ଉପରେ ପ୍ରତିବନ୍ଧକ ଲଗାଇଲା ଆମେରିକା : ଇସ୍ରାଏଲର ଏନଏସଓ କଂପାନୀକୁ କଳା ତାଲିକାଭୁକ୍ତ କଲା ବାଇଡେନ ପ୍ରଶାସନ
କହିଲା, ଜାତୀୟ ସୁରକ୍ଷା ପ୍ରତି ବିପଦ; ଏପଟେ ଭାରତରେ ସୁପ୍ରିମକୋର୍ଟଙ୍କ ନିର୍ଦ୍ଦେଶରେ ଚାଲିଛି ଯାଂଚ
କନକ ବ୍ୟୁରୋ: ଗୁଇନ୍ଦା ସଫ୍ଟୱେୟାର ପେଗାସସ ଉପରେ ପ୍ରତିବନ୍ଧକ ଲଗାଇଲା ଆମେରିକା । ବାଇଡେନ ସରକାର ପେଗାସସ୍ ସଫ୍ଟୱେୟାର ଯୋଗାଉଥିବା ଇସ୍ରାଏଲର ଏନଏସଓ କମ୍ପାନୀକୁ କଳା ତାଲିକାଭୁକ୍ତ କରିଛନ୍ତି । ବାଇଡେନ ପ୍ରଶାସନ କହିଛି, ଏହା ଜାତୀୟ ସୁରକ୍ଷା ପ୍ରତି ବିପଦ ଥିବାରୁ ଏଭଳି ପଦକ୍ଷେପନିଆଯାଇଛି । କାରଣ ପେଗାସସ ସଫ୍ଟୱେୟାର ଯୋଗାଉଥିବା ଏନଏସଓ କଂପାନୀ ଇସ୍ରାଏଲ ସରକାରଙ୍କ ନିର୍ଦ୍ଦେଶରେ କାମ କରୁଥିବା ଚର୍ଚ୍ଚା ହେଉଛି ।
Kanak News is now on WhatsApp
Join and get latest news updates delivered to you via WhatsApp
ବଡ କଥା ହେଲା ଭାରତରେ ମଧ୍ୟ ପେଗାସସ ବ୍ୟବହାର କରି କେନ୍ଦ୍ର ସରକାର ଅନେକ ସାମ୍ବାଦିକ, ବିଚାରପତି, ବ୍ୟବସାୟୀ, କେନ୍ଦ୍ରମନ୍ତ୍ରୀ, ବିରୋଧୀ ଦଳର ନେତାଙ୍କୁ ବ୍ୟକ୍ତିଗତ ତଥ୍ୟ ଚୋରି କରୁଥିବା ଅଭିଯୋଗ ରହିଛି । ସୁପ୍ରିମକୋର୍ଟ ଏହି ପ୍ରସଙ୍ଗରେ ତଦନ୍ତ ନିର୍ଦ୍ଦେଶ ପରେ ଏକ କମିଟି ମଧ୍ୟ ଗଠନ ହୋଇଛି । ଇସ୍ରାଏଲର ଏହି ଏନଏସଓ କମ୍ପାନୀକୁ ବ୍ୟବହାର କରି ଅନେକ ଦେଶର ସରକାର ଦେଶର ବହୁ ନାଗରିକଙ୍କ ବ୍ୟକ୍ତିଗତ ତଥ୍ୟ ଚୋରି କରିଥିବା ଅଭିଯୋଗ ରହିଛି । ହେଲେ ଏନଏସଏ ଏପରି ଅଭିଯୋଗକୁ ଖାରଜ କରି ଆସୁଛି ।