ପେଗାସସ୍ ସ୍ପାଏ-ଓୟାର ମାମଲା: ତଦନ୍ତ କରିବ ସ୍ୱତନ୍ତ୍ର ଟିମ୍, ନିଷ୍ପତି ନେଲେ ସୁପ୍ରିମକୋର୍ଟ
କନକ ବ୍ୟୁରୋ: ପେଗାସସ ସ୍ପାଏ-ୱୟର ମାମଲାର ତଦନ୍ତ ହେବ । ଏଥିପାଇଁ ଏକ ବିଶେଷଜ୍ଞ କମିଟି ଗଠନ କରାଯିବ । ସୁପ୍ରିମକୋର୍ଟ ପେଗାସସ ପ୍ରସଙ୍ଗରେ ଶୁଣାଣି କରି ଏପରି କହିଛନ୍ତି । ଏହି ପ୍ରସଙ୍ଗରେ କେନ୍ଦ୍ର ସରକାର ସତ୍ୟପାଠ ଦାଖଲ କରିବେ ନାହିଁ ବୋଲି କହିଥିଲେ । ଏହାପରେ ସୁପ୍ରିମକୋର୍ଟ ବିଶେଷଜ୍ଞ କମିଟି ନେଇ ନେଇ ଚୂଡାନ୍ତ ନିଷ୍ପତିି ନେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆସନ୍ତା ସପ୍ତାହରେ ବିଶେଷଜ୍ଞ କମିଟି ଆଦେଶ ଦେବେ ବୋଲି ପ୍ରଧାନ ବିଚାରପତି ଜଷ୍ଟିସ ଏନ ଭି ରମନ୍ନା କହିଛନ୍ତି । ଚଳିତ ସପ୍ତାହରେ ଆଦେଶ ଦେବେ ବୋଲି ସୁପ୍ରିମକୋର୍ଟ ଚିନ୍ତା କରିଥିଲେ । ହେଲେ କମିଟି ରହିବାକୁ ଥିବା ସଦସ୍ୟଙ୍କ ସହ ଯୋଗାଯୋଗରେ ବିଳମ୍ବ ହେଉଥିବାରୁ ଆସନ୍ତା ସପ୍ତାହରେ ଆଦେଶ ଦେବେ ବୋଲି କହିଛନ୍ତି ପ୍ରଧାନ ବିଚାରପତି । କେନ୍ଦ୍ର ପୂର୍ବରୁ ସୁପ୍ରିମକୋର୍ଟରେ କହିଥିଲା ସତ୍ୟପାଠ ଦାଖଲ କଲେ କେଉଁ ସଫ୍ଟୱୟାର ଜରିଆରେ ତଥ୍ୟ ସଂଗ୍ରହ କରାଯାଉଛି ଜଣାପଡିବା ଯାହାକି ଜାତୀୟ ସୁରକ୍ଷା ପ୍ରତି ବିପଦ ରହିବ ।
ଆତଙ୍କବାଦୀ ଏ ବାବଦରେ ଅଧିକ ସୂଚନା ପାଇଯିବେ । ତେବେ ସୁପ୍ରିମକୋର୍ଟ ସତ୍ୟପାଠ ଦାଖଲ କରିବାକୁ କହିବା ପରେ କେନ୍ଦ୍ର ସରକାର ତିନି ସପ୍ତାହ ସମୟ ନେଇଥିଲେ । ଶେଷରେ କେନ୍ଦ୍ର ସତ୍ୟପାଠ ଦାଖଲ ନକରିବାରୁ ସୁପ୍ରିମକୋର୍ଟ ଅସନ୍ତୋଷ ପ୍ରକାଶ କରିଥିଲେ । ପେଗାସସ ସ୍ୱାଏୱୟର ଜରିଆରେ କେନ୍ଦ୍ର ସରକାର ବିଚାରପତି, ବ୍ୟବସାୟୀ, ରାଜନେତା ଏବଂ ସାମ୍ବାଦିକଙ୍କ ବ୍ୟକ୍ତିଗତ ତଥ୍ୟ ଚୋରି କରିଥିବା ଅଭିଯୋଗ ରହିଛି ।