କନକ ବ୍ୟୁରୋ : ଆଜି ଏବଂ ବୁଧବାର ତୁର୍କିରେ ୟୁକ୍ରେନ ଏବଂ ଋଷ ମଧ୍ୟରେ ବୈଠକ ବସିବ । ଏହି ବୈଠକରୁ ଯୁଦ୍ଧର ସମାପ୍ତି ନେଇ ଦୁଇ ପକ୍ଷ ଆଲୋଚନା କରିବେ ବୋଲି ସୂଚନା ରହିଛି । ନିକଟରେ ୟୁକ୍ରେନ ରାଷ୍ଟ୍ରପତି ଜେଲେନସ୍କି କହିଥିଲେ ରୁଷ ସହିତ ଶାନ୍ତି ବାର୍ତ୍ତା ପାଇଁ ୟୁକ୍ରେନ ରାଜି । କିନ୍ତୁ ଇଞ୍ଚେ ଜାଗା ଛାଡିବେ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଦ୍ୱିତୀୟ ଥର ପାଇଁ ୟୁକ୍ରେନ ରାଷ୍ଟ୍ରପତି ଭୋଲଦିମିରି ଜେଲେନସ୍କିଙ୍କୁ ହତ୍ୟା କରିବା ପାଇଁ ଷଡଯନ୍ତ୍ର ହୋଇଥିଲା ବୋଲି ୟୁକ୍ରେନର ପ୍ରମୁଖ ଗଣମାଧ୍ୟମ କିଭ୍ ପୋଷ୍ଟ ଦାବି କରିଛି । ସ୍ଲୋଭାକିଆର- ହଙ୍ଗେରୀ ସୀମାରୁ ୨୫ ଜଣ ସନ୍ଦିଗ୍ଧଙ୍କୁ ଧରା ହୋଇଛି । ଏମାନେ ଜେଲେନସ୍କିଙ୍କୁ ହତ୍ୟା କରିବାକୁ ଆସିଥିଲେ ବୋଲି ଦାବି କରିଛି କିଭ୍ ପୋଷ୍ଟ । ଏହା ପୂର୍ବରୁ ମାର୍ଚ୍ଚ ୪ରେ ‘ଦ ଟାଇମ୍ସ’ ମଧ୍ୟ ଏକ ସମାନ ଖବର ପ୍ରକାଶ କରିଥିଲା । ଫେବୃଆରୀ ଶେଷ ସପ୍ତାହରେ ଜେଲେନସ୍କିଙ୍କୁ ତିନି ଥର ହତ୍ୟା କରିବାକୁ ଉଦ୍ୟମ ହୋଇଥିଲା ବୋଲି ଖବର ପ୍ରକାଶ ପାଇଥିଲା । ଫେବୃଆରୀ ୨୪ରେ ରୁଷ ୟୁକ୍ରେନ ଉପରେ ଆକ୍ରମଣ କରିଥିଲା ।