ଭୋକରେ ମରିବୁ ପଛେ ଭୂତାଣୁରେ ମରିବୁ ନାହିଁ: ପିଡିଏସ ସାମଗ୍ରୀ ପାଇଁ ବାୟୋମେଟ୍ରିକ ବ୍ୟବସ୍ଥାକୁ ବିରୋଧ । ମେସିନରେ ଟିପ ଦେବାକୁ ଡରୁଛନ୍ତି ହିତାଧିକାରୀ । କରୋନା ସଂକ୍ରମଣ ବଢିପାରେ ବୋଲି କରୁଛନ୍ତି ଆଶଙ୍କା, ଏପଟେ ସରକାରୀ ନିଷ୍ପତ୍ତିରୁ ବିରୋଧ କରି ଡିଲର ସଂଘର ବିକ୍ଷୋଭ ।
କନକ ବ୍ୟୁରୋ: ଭୋକରେ ମରିବୁ ପଛେ ଭୂତାଣୁରେ ମରିବୁ ନାହିଁ । ପିଡିଏସ ପାଇଁ ବାୟୋମେଟ୍ରିକ ବ୍ୟବସ୍ଥାକୁ ପ୍ରବଳ ବିରୋଧ । ମେସିନରେ ଟିପ ଦେବୁନି କି ରାସନ ନେବୁନି । ଭୋକରେ ରହିବୁ ପଛେ ଘରକୁ କରୋନା ଭୂତାଣୁ ନେବୁ ନାହିଁ । ସରକାରଙ୍କ ପକ୍ଷରୁ ଯୋଗାଇ ଦିଆଯାଉଥିବା ପିଡିଏସ ସାମଗ୍ରୀ ନେବାକୁ ଲୋକଙ୍କ ଧାଡି ଲାଗିଲା । ମୁହଁରେ ମାସ୍କ ପିନ୍ଧି, ସାମାଜିକ ଦୂରତା ରଖି ଘଂଟା ଘଂଟା ଧରି ଠିଆ ହୋଇ ରାସନ ନନେଇ ଖାଲି ଖାଲି ଘରକୁ ଫେରିଗଲେ ହିତାଧିକରୀ । ସେମାନଙ୍କ ଅଭିଯୋଗ ହେଲା ଗୋଟିଏ ମେସିନରେ ୬ ଶହ ହିତାଧିକାରୀ ଟିପ ଦେଉଥିବାବେଳେ ଏହାକୁ କାହିଁକି ସାନିଟାଇଜ କରାଯାଉନାହିଁ ।
Kanak News is now on WhatsApp
Join and get latest news updates delivered to you via WhatsApp
କଟକ ଜିଲ୍ଲା ନିଆଳି ବ୍ଲକ ବିନିଶପୁର ପଚାଂୟତର କୁଞିଆପାଟଣା ଗାଁ ସରକାରୀ ଖୁଚୁରା ବିକ୍ରୟ କେନ୍ଦ୍ରରେ ଏହିଭଳି ଅଭାବନୀୟ ପରିସ୍ଥିତି ଦେଖା ଦେଇଛି । ନିଆଳି ବ୍ଲକରେ କରୋନା ପଜିଟିଭ ଚିହ୍ନଟ ହେବାପରେ ବାୟୋମାଟ୍ରିକ ବ୍ୟବସ୍ଥାରେ ଟିପ ଦେବାକୁ ଡର ଲାଗୁଥିବା କହିଛନ୍ତି ହିତାଧିକାରୀ । ଡିଲର ୨ଦିନ ହେଲା ରାସନ ସାମଗ୍ରୀ ଉଠାଇ ଡିଲର ପଏଂଟରେ ରଖିଛନ୍ତୁ । ହେଲେ ହିତାଅଧିକା ରାସନ ସାମଗ୍ରୀ ପାଇଁ ଆସି ମେସିନରେ ଟିପ ଦେବା ସୁଣି ଘରକୁ ଫେରିଯାଉଛନ୍ତି । ଦସ୍ତଖତ ରଖି ରାସନ ସାମଗ୍ରୀ ଦେବାପାଇଁ ସେମାନେ ଦାବି କରୁଛନ୍ତି ।
ଏପଟେ ୭ ଦିନ ହେଲାଣି ଭୁବନେଶ୍ୱରରେ ଖାଉଟି ପାଉନାହାନ୍ତି ରାସନ ସାମଗ୍ରୀ । ପୂର୍ବରୁ ଭୁବନେଶ୍ୱରରେ କମ କରୋନା ରୋଗୀ ଥିବା ବେଳେ ବିନା ବାଇଓମେଟ୍ରିକରେ ସାମଗ୍ରୀ ଦିଆଯାଉଥିଲା । ବର୍ତମାନ କରୋନା ରୋଗୀ ବଢୁଥିବା ବେଳେ ବାଇଓମେଟ୍ରିକରେ ଟିପ ଦେଇ ରାସନ ନେବାକୁ ସରକାର ବାଧ୍ୟ କରୁଛନ୍ତି । ସେହିପରି ହିତାଧିକାରୀଙ୍କ ଆଇରିସ ସ୍କାନକୁ ବାଧ୍ୟତାମୂଳକ କରାଯାଇଛି । ଏହାକୁ ବିରୋଧ କରି ପ୍ରତିବାଦକୁ ଓହ୍ଲାଇଛନ୍ତି କଂଟ୍ରୋଲ ଦୋକାନୀ । ନିଜ ଜୀବନ ବଂଚାଇବା ସହ ସପୁର ସ୍ର୍ପ୍ରେଡର ନକରିବାକୁ ସେ ସରକାରଙ୍କ ନିକଟରେ ଦାବି କରିଛନ୍ତି ।
ରାଜଧାନୀରେ ରହିଛି ମୋଟ୍ ୧୦୮ଟି କଂଟ୍ରୋଲ ଦୋକାନ । ସରକାରଙ୍କୁ ପୂର୍ବର ଏନେଇ ଅବଗତ କରିଥିଲେ ମଧ୍ୟ କୌଣସି ଲାଭ ମିଳିନାହିଁ । ତେଣୁ କଂଟ୍ରୋଲ ଦୋକାନୀମାନେ ଚଳିତ ମାସ ୧ ତାରିଖରୁ କୌଣସି ସାମଗ୍ରୀ ହିତାଧିକାରୀଙ୍କୁ ଦେଉନାହାନ୍ତି । ବାୟୋମାଟ୍ରକ ବ୍ୟବସ୍ଥାକୁ ବିରୋଧ କରି ଆନ୍ଦୋଳନକୁ ଓହ୍ଲାଇଛନ୍ତି ।