ପେଟିଏମ୍ ବ୍ୟବହାରକାରୀଙ୍କ ପାଇଁ ଖୁସି ଖବର ! କମ୍ପାନୀ ପକ୍ଷରୁ କରାଗଲା ଏହି ବଡ ଘୋଷଣା ।
କନକ ବ୍ୟୁରୋ : Paytm ବ୍ୟବହାରକାରୀଙ୍କ ପାଇଁ ବଡ ଖବର । ଇ-ୱାଲେଟ୍ କମ୍ପାନୀ ପେଟିଏମ୍ ପକ୍ଷରୁ ଜାରି କରାଯାଇଥିବା ବୟାନରେ କୁହାଯାଇଛି ଯେ, ଡିଜିଟାଲ୍ ଟ୍ରାଞ୍ଜାକସନ୍ ଉପରେ କୌଣସି ଅତିରିକ୍ତ ଦେୟ ଦେବାକୁ ପଡିବନି । ତେବେ ଏହା ପୂର୍ବରୁ ମିଡିଆ ରିପୋର୍ଟରେ କୁହାଯାଇଥିଲା, କ୍ରେଡିଟ୍ କାର୍ଡ ଜରିଆରେ ପେମେଣ୍ଟ ପାଇଁ ୧ ପ୍ରତିଶତ, ଡେବିଟ୍ କାର୍ଡ ପେମେଣ୍ଟ ପାଇଁ ୦.୯ ପ୍ରତିଶତ ଏବଂ ନେଟ୍ ବ୍ୟାଙ୍କିଙ୍କ ଏବଂ ୟୁପିଆଇ ମାଧ୍ୟମରେ ଟ୍ରାଞ୍ଜାକସନ୍ ଉପରେ ଗ୍ରାହକଙ୍କୁ ୧୨ରୁ ୧୫ ପ୍ରତିଶତ ପର୍ଯ୍ୟନ୍ତ ବ୍ୟାଙ୍କ ଦେୟ ଦେବାକୁ ହେବ ।
Kanak News is now on WhatsApp
Join and get latest news updates delivered to you via WhatsApp
କିନ୍ତୁ ଏହାକୁ ନେଇ ଏବେ ପେଟିଏମ୍ ପକ୍ଷରୁ ସଫେଇ ଦିଆଯାଇଛି ଯେ, କମ୍ପାନି ପକ୍ଷରୁ ଏଭଳି କୌଣସି ପ୍ଲାନ୍ କରାଯାଇନାହିଁ । ମିଡିଆରେ ପ୍ରକାଶିତ ହେଉଥିବା ଖବରକୁ ସମ୍ପୂର୍ଣ୍ଣ ଭାବେ ଖଣ୍ଡନ କରିଛି ପେଟିଏମ୍ । ଏବଂ କମ୍ପାନି ପକ୍ଷରୁ କୁହାଯାଇଛି, ଡିଜିଟାଲ୍ ଟ୍ରାଞ୍ଜାକସନ୍ ଉପରେ ଗ୍ରାହକଙ୍କୁ କୌଣସି ଅତିରିକ୍ତ ଦେୟ ଦେବାକୁ ପଡିବନି ।