ଗ୍ୟାସ୍ ଉପଭୋକ୍ତାଙ୍କ ପାଇଁ ଖୁସି ଖବର, Paytm ଦେଉଛି ୨୭୦୦ ଟଙ୍କା ପର୍ଯ୍ୟନ୍ତ କ୍ୟାସବ୍ୟାକ୍ ଅଫର…

528

କନକ ବ୍ୟୁରୋ: ଦିନକୁ ଦିନ ଏଲପିଜି ସିଲିଣ୍ଡର ଦର ବୃଦ୍ଧି ଯୋଗୁଁ ଗ୍ରାହକଙ୍କ ଚିନ୍ତା ବଢୁଛି । କିନ୍ତୁ ଦରଦାମ୍ ବୃଦ୍ଧି ଭିତରେ ଗ୍ରାହକଙ୍କ ପାଇଁ ଆସିଛି ଏକ ଖୁସି ଖବର । ମହଙ୍ଗା ମାଡ଼ ଭିତରେ ବର୍ତ୍ତମାନ ଏକ ଘରୋଇ ଗ୍ୟାସ୍ ସିଲିଣ୍ଡର ବୁକିଂରେ ୨୭୦୦ ଟଙ୍କା ପର୍ଯ୍ୟନ୍ତ କ୍ୟାସବ୍ୟାକ୍ ଅଫର୍ ଆପଣ ଜିତିପାରିବେ । ଅନଲାଇନ୍ ପେମେଣ୍ଟ ଆପ୍ ପେଟିଏମ୍ ଏହି ଅଫର୍ ଗ୍ୟାସ୍ ସିଲିଣ୍ଡର ଉପଭୋକ୍ତାଙ୍କ ପାଇଁ ଆରମ୍ଭ କରିଛି । ତେବେ ଆପଣ କିପରି ଏହି ଅଫରର ଲାଭ ଉଠାଇବେ, କ’ଣ କଲେ ଚୁଟକିରେ ଆପଣଙ୍କୁ ଏତେ ଟଙ୍କାର କ୍ୟାସବ୍ୟାକ୍ ମିଳିବ, ଆସନ୍ତୁ ଜାଣିବା…

କେମିତି ପାଇବେ ଏହି ଅଫର?

ଯଦି ଆପଣ ଏହି ଅଫରର ଲାଭ ଉଠାଇବାକୁ ଚାହୁଁଛନ୍ତି, ତେବେ ପ୍ରଥମେ ଆପଣଙ୍କୁ ମୋବାଇଲ୍ ଫୋନରେ ପେଟିଏମ୍ ଆପ୍ ଡାଉନଲୋଡ୍ କରିବାକୁ ପଡିବ । ଏହା ପରେ ଆପଣ ପଞ୍ଜିକୃତ ଗ୍ୟାସ ଏଜେନ୍ସିରୁ ସିଲିଣ୍ଡର ବୁକ୍ କରିବାକୁ ପଡିବ । ଏଥିପାଇଁ, ପେଟିଏମ୍ ଆପରେ Show more ଅପସନ୍ ଉପରେ କ୍ଲିକ୍ କରନ୍ତୁ । ତାପରେ ରିଚାର୍ଜ ଏବଂ ପେ ବିଲ୍ ଉପରେ କ୍ଲିକ୍ କରନ୍ତୁ, ଏହାପରେ Book a Cylinder ଅପ୍ସନ୍ ଦେଖାଇବ । ଏହି ଅପସନରେ ଆପଣ କ୍ଲିକ୍ କରି ଗ୍ୟାସ୍ କମ୍ପାନୀକୁ ଚୟନ କରନ୍ତୁ । ଏହାପରେ ଆପଣଙ୍କ ଏଲପିଜି ଆଇଡି କିମ୍ବା ଗ୍ୟାସ୍ କମ୍ପାନୀ ସହ ଆପଣଙ୍କ ଯେଉଁ ଫୋନ୍ ନମ୍ବର ରେଜିଷ୍ଟ୍ରେସନ୍ ଥିବ ତାହା ମଧ୍ୟ ଦେଇପାରିବେ । ନମ୍ବର ଦେବା ପରେ ପ୍ରୋସିଡ୍ ଅପସନରେ କ୍ଲିକ୍ କରନ୍ତୁ… ଆପଣ ଗ୍ୟାସ୍ ସିଲିଣ୍ଡର ବୁକିଂ କରିବାର ୨୪ ଘଣ୍ଟା ଭିତରେ ଆପଣଙ୍କୁ ଏକ କ୍ୟାସବ୍ୟାକ୍ ସ୍କ୍ରାଚ୍ କାର୍ଡ ମିଳିବ । ଯାହାକୁ ଆପଣ ୭ ଦିନ ମଧ୍ୟରେ ବ୍ୟବହାର କରିପାରିବେ ବୋଲି କମ୍ପାନୀର ନିୟମାବଳିରେ ରହିଛି ।

ଅଫର କେତେଦିନ ଯାଏଁ ବୈଦ୍ଧ?

ସବୁଠୁ ବଡ଼ କଥା ହେଲା. ଆଜିର ଦରଦାମ୍ ବୃଦ୍ଧି ଦୁନିଆରେ ପେଟିଏମ୍ ନିଜର ‘ଆପ୍’ରେ ବ୍ୟାନର ଲଗାଇ ଏହି ଅଫର ଘୋଷଣା କରିଛି । ସେହି ବ୍ୟାନରରେ ପେଟିମ୍ ସ୍ପଷ୍ଟ ଭାବରେ ଲେଖିଛି ଯେ ଯଦି ଆପଣ ପେଟିଏମ୍ ମାଧ୍ୟମରେ ଏଚପି, ଇଣ୍ଡିଆନ୍ କିମ୍ବା ଭାରତ ଗ୍ୟାସ୍ କମ୍ପାନୀର ସିଲିଣ୍ଡର ବୁକ୍ କରନ୍ତି, ତେବେ ଆପଣ ୨୭୦୦ ଟଙ୍କା ପର୍ଯ୍ୟନ୍ତ କ୍ୟାସବ୍ୟାକ୍ ପାଇପାରିବେ । କିନ୍ତୁ ଏଥିପାଇଁ ପେଟିଏମ ଏକ ସର୍ତ୍ତ ରଖିଛି ଯେ ଆପଣ ୩ ସିଲିଣ୍ଡର ବୁକିଂ କଲେ ଏହି ଅଫରର ଫାଇଦା ପାଇପାରିବେ । ଏହି ଅଫର କେତେ ଦିନ ପର୍ଯ୍ୟନ୍ତ ବୈଦ୍ଧ ଅଛି, ତାହା କମ୍ପାନୀ ପକ୍ଷରୁ କିଛି ସୂଚନା ମିଳିନାହିଁ । କିନ୍ତୁ ପେଟିଏମର ଉଭୟ ନୂଆ ଓ ପୁରୁଣା ଉପଭୋକ୍ତାମାନେ ଏହି ବମ୍ପର ଅଫରର ଲାଭ ଉଠାଇ ପାରିବେ ବୋଲି କମ୍ପାନୀ ଘୋଷଣା କରିଛି ।