ବିନା ସୁଧରେ ICICI ବ୍ୟାଙ୍କ ଧାର ଦେବ ଟଙ୍କା, ୩୦ ଦିନରେ ମଧ୍ୟରେ ଶୁଝିବାକୁ ପଡିବ । ଜାଣନ୍ତୁ କିଭଳି ଉଠାଇବେ ଏହାର ସୁବିଧା

ଦେଶ ବିଦେଶସ୍ପେଶାଲ୍ ରିପୋର୍ଟ
By Sunil Bhuyan
50

ଯଦି ଆପଣଙ୍କୁ ହଠାତ ଟଙ୍କାର ଆବଶ୍ୟକ ପଡେ ଏବଂ ଆପଣଙ୍କ ପାଖରେ ପଇସା ନଥାଏ କିମ୍ବା କ୍ରେଡିଟ କାର୍ଡ ବ୍ୟବହାର କରୁନଥାନ୍ତି ତେବେ ଆପଣଙ୍କୁ ଉଧାର ଦେବ ଆଇସିଆଇସିଆଇ ବ୍ୟାଙ୍କ । ଏପରିକି ଦିନେ କି ଦୁଇଦିନ ନୁହେଁ ବରଂ ୩୦ ଦିନ ପାଇଁ ଆଇସିଆଇସିଆଇ ବ୍ୟାଙ୍କ ଗ୍ରାହକଙ୍କୁ ଉଧାର ଦେବ ତାହା ବି ପୁଣି ବିନା ସୁଧରେ । କିନ୍ତୁ ଏଥିପାଇଁ ମଧ୍ୟ କିଛି ସର୍ତ୍ତ ରହିଛି ।

ଆଇସିଆଇସିଆଇ ବ୍ୟାଙ୍କର ୱେବସାଇଟରେ ଦିଆଯାଇଥିବା ସୂଚନା ମୁତାବିକ PayLater ଆକାଉଣ୍ଟ ଏକ ଡିଜିଟାଲ କ୍ରେଡିଟ ପ୍ରଡକ୍ଟ । ଏହା ଏକ କ୍ରେଡିଟ କାର୍ଡ ଭଳି । ଯେଉଁଥିରେ ଆପଣ ପ୍ରଥମେ ଖର୍ଚ୍ଚ କରିବେ ଓ ପରେ ଏହାର ଭରଣା କରିପାରିବେ । PayLater ରେ ୩୦ ଦିନ ପର୍ଯ୍ୟନ୍ତ ବିନା ସୁଧରେ କରଜ ମିଳିଥାଏ । ଏହି କ୍ରେଡିଟ ଦ୍ୱାରା ଆପଣ ବିଲ ଭରିପାରିବେ, ଜିନିଷ କିଣାକିଣି କରିପାରିବେ ଓ କିମ୍ବା କୌଣସି ଦୋକାନରେ ୟୁପିଆଇ ଆଇଡି ଦ୍ୱାରା ମଧ୍ୟ ପେମେଣ୍ଟ କରିପାରିବେ ।

ତେବେ ଏହି ଟଙ୍କାକୁ ଆପଣ କ୍ରେଡିଟ କାର୍ଡର ବିଲ ଭରଣା ପାଇଁ ବ୍ୟବହାର କରିପାରିବେ ନାହିଁ । ଏପରିକି ଫଣ୍ଡ ଟ୍ରାନ୍ସଫର ପାଇଁ ମଧ୍ୟ ଏହାର ବ୍ୟବହାର କରିପାରିବେ ନାହିଁ । ବ୍ୟାଙ୍କ ସୂଚନା ଅନୁଯାୟୀ, ଏହି ସୁବିଧା INVITE ONLY ଯୋଜନା ଅନୁଯାୟୀ ମିଳିବ । ଅଥାର୍ତ ଯଦି ବ୍ୟାଙ୍କକୁ ଲାଗିବ କି ଆପଣଙ୍କୁ ଏହି ସୁବିଧା ଦେବା ଆବଶ୍ୟକ ତେବେ ଏହାର ପପ୍-ଅପ ପକେଟ ୱାଲେଟ, ଆଇ ମୋବାଇଲ ଓ ଇଣ୍ଟରନେଟ ବ୍ୟାଙ୍କିଙ୍ଗ ଆପରେ ଆପଣାଛାଏଁ ଉପଲବ୍ଧ ହେବ । ତେବେ ଏହି ସୁବିଧା ପାଇବା ପରେ ଯଦି ଡେଡଲାଇନ ମଧ୍ୟରେ ପେମେଣ୍ଟ ନ ଦିଅନ୍ତି ତେବେ ନେଇଥିବା ଟଙ୍କା ଉପରେ ସୁଧ ଲାଗୁ ହେବ । ଏହି ସୁଧ ସେତେବେଳ ଯାଏଁ ଲାଗୁ ହେବ ଯେତେ ପର୍ଯ୍ୟନ୍ତ ଆପଣ କରଜ ନେଇଥିବା ଟଙ୍କା ନ ଫେରାଇଛନ୍ତି ।

PayLater ଆକାଉଣ୍ଟରେ ଗ୍ରାହକଙ୍କୁ ୧୦ ହଜାରରୁ ୨୫ ହଜାର ଟଙ୍କା ପର୍ଯ୍ୟନ୍ତ କ୍ରେଡିଟ ମିଳିଥାଏ । ତେବେ ଗ୍ରାହକଙ୍କୁ କେତେ ଟଙ୍କା ମିଳିବା ଆବଶ୍ୟକ ତାହା ବ୍ୟାଙ୍କ ଉପରେ ନିର୍ଭର କରିବ । ଯେଉଁ ବାକି ରାଶି ଗ୍ରାହକ PayLater ଆକାଉଣ୍ଟରୁ ନେଇଥିବେ ତାହା ନିର୍ଦ୍ଧାରିତ ତାରିଖରେ ଆପଣାଛାଏଁ ବ୍ୟାଙ୍କ ଆକାଉଣ୍ଟରୁ କଟିଯିବ । କିନ୍ତୁ ଯଦି ଆକାଉଣ୍ଟରେ ଟଙ୍କା ନଥିବ ତେବେ ବିଳମ୍ବରେ ପେମେଣ୍ଟ ପାଇଁ ଆପଣଙ୍କୁ ଅଧିକ ଶୁଳ୍କ ଦେବାକୁ ପଡିବ ।

ସମ୍ବନ୍ଧିତ ଖବର More from author