ବଢୁଛି ଅନୁରାଗଙ୍କ ଅଡୁଆ: ଫିଲ୍ମ ନିର୍ଦ୍ଦେଶକଙ୍କ ନାଁରେ ‘ମିଠୁ’ ଅଭିଯୋଗ ଲଢ଼େଇକୁ ଜରୋଦାର କଲେ ପାୟଲ ଘୋଷ ।
କନକ ବ୍ୟୁରୋ: ବଲିଉଡ ନିର୍ଦ୍ଦେଶକ ଅନୁରାଗ୍ୟ କଶ୍ୟପଙ୍କ ବିରୋଧରେ ଯୌନ ନିର୍ଯାତନା ଅଭିଯୋଗ ଆଣିଥିବା । ପାୟଲ ଘୋଷ ଆଜି କେନ୍ଦ୍ର ଗୃହରାଷ୍ଟ୍ର ମନ୍ତ୍ରୀ ଜି କିଷନ ରେଡ୍ଡୀଙ୍କୁ ଭେଟିଛନ୍ତି । ଗତକାଲି ଜାତୀୟ ମହିଳା କମିସନଙ୍କୁ ଭେଟି ନିଜ ଅଭିଯୋଗ ଜଣାଇଥିଲେ ପାୟଲ । ଯୌନ ଶୋଷଣ ଭଳି ସଙ୍ଗୀନ ଅଭିଯୋଗ ସତ୍ୱେ କିପରି ଜଣେ ଅଭିଯୁକ୍ତ ଖୁଲମ ଖୁଲା ବୁଲାବୁଲି କରୁଛି । ଏହାକୁ ନେଇ ସେ ମୁମ୍ବାଇ ପୁଲିସର ତଦନ୍ତ ପ୍ରକ୍ରିୟା ଉପରେ ପ୍ରଶ୍ନ ଉଠାଇଛନ୍ତି । କେନ୍ଦ୍ର ଗୃହମନ୍ତ୍ରୀ ଜି କିଷାନ ରେଡ୍ଡୀଙ୍କୁ ଭେଟି ପାୟଲ ଘୋଷ ମାମଲାରେ ହସ୍ତକ୍ଷେପ ଲୋଡିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ଗତ କିଛି ଦିନ ହେବ ବଲିଉଡ ଡ୍ରଗ୍ସ ଲିଙ୍କ୍ ଛନ୍ଦି ହୋଇପଡ଼ିଥିବାବେଳେ ଏବେ ମିଠୁ ଭଳି ସାଂଘାତିକ ଦାଗ ପୁଣି ହଟଚମଟ ସୃଷ୍ଟି କରିଛି । ବଲିଉଡ ଫିଲ୍ମ ନିର୍ଦ୍ଦେଶକ ଅନୁରାଗ କଷ୍ୟପଙ୍କ ବିରୋଧରେ ପାୟଲ ଘୋଷ ଯୌନ ନିର୍ଯ୍ୟାତନା ଆଣିବା ପରେ ଆରମ୍ଭ ହୋଇଛି ଆଉ ଏକ ନୂଆ ବିବାଦ ।