କାହାର ହେବ ପାଟଣା‘ଗଡ’ ? ଆଗାମୀ ୫ ବର୍ଷ ପାଇଁ ନେତା ବାଛିବେ ଜନତା, ପ୍ରାର୍ଥୀଙ୍କ ଛାତିରେ ଛନକା

62

କନକ ବ୍ୟୁରୋ : ପାଟଣାଗଡରେ କାହାର ପଲା ଭାରି । କାହାକୁ ନିଜର ନେତା ବାଛିବେ ଜନତା । ଏଭଳି ପ୍ରଶ୍ନ ଏବେ ଉଙ୍କି ମାରୁଛି । ପାଟଣାଗଡ ପାଇଁ ଭୋଟଗ୍ରହଣ ଆରମ୍ଭ ହୋଇଥିବା ବେଳେ ସକାଳୁ ସକାଳୁ ମତଦାନ କେନ୍ଦ୍ରରେ ଲମ୍ବା ଲାଇନରେ ଛିଡା ହୋଇଛନ୍ତ ଭୋଟର । ପାଟଣାଗଡ, ପାଟଣାଗଡ ବ୍ଳକ୍, ବେଲପଡା ବ୍ଳକ୍ ଏବଂ ଖପ୍ରାଖୋଲ ବ୍ଳକକୁ ନେଇ ପାଟଣାଗଡ ନିର୍ବାଚନ ମଣ୍ଡଳୀ ଗଠିତ । ଦୀର୍ଘ ବର୍ଷ ଧରି ବିଜେପିର ଏହା ଗଡ ହୋଇ ରହିଛି ।

ପାଟଣାଗଡ ନିର୍ବାଚନ ମଣ୍ଡଳୀ
୨୦୧୯ର ଲଢେଇ
ବିଜେଡି: ସରୋଜ ମେହେର
କଂଗ୍ରେସ: ରମେଶ ପୁରୋହିତ
ବିଜେପି: କନକ ବର୍ଦ୍ଧନ ସିଂହଦେଓ

ବିଜେଡି: ସରୋଜ ମେହେର
– ବ୍ୟବସାୟରୁ ରାଜନୀତି
– ୨ ବର୍ଷ ହେଲା ବିଜେଡିରେ ସାମିଲ
– ସାଂଗଠନିକ ଦକ୍ଷତା ରହିଛି
– ପ୍ରଥମଥର ନିର୍ବାଚନ ଲଢୁଛନ୍ତି

କଂଗ୍ରେସ: ରମେଶ ପୁରୋହିତ
– ଇଂଜିନିୟର ଏବଂ ପରେ ବ୍ୟବସାୟରୁ ରାଜନୀତି
– ୧୬ ବର୍ଷ ହେଲା କଂଗ୍ରେସରେ ଅଛନ୍ତି
– ସମାଜସେବୀ ଓ ନିର୍ମଳ ଭାବମୂର୍ତି
– ପ୍ରଥମଥର ବିଧାୟକ ପ୍ରାର୍ଥୀ

ବିଜେପି: କନକ ବର୍ଦ୍ଧନ ସିଂହଦେଓ
– ବିଜେପିର ବିଧାୟକ ଦଳ ନେତା
– ୫ ଥର ବିଧାୟକ
– ପୂର୍ବତନ ବିଜେପି ରାଜ୍ୟ ସଭାପତି
– ପଶ୍ଚିମ ଓଡିଶାରେ ବିଜେପିର ଟାଣୁଆ ଚେହେରା

ମୁହାଁମୁହିଁ ପ୍ରାର୍ଥୀ
– ବିଜେଡି ପ୍ରାର୍ଥୀ ସରୋଜ ମେହେର ୨ ବର୍ଷ ହେଲା ଦଳରେ ସାମିଲ ହୋଇ ସଂଗଠନ ସୁଦୃଢ କରିଛନ୍ତି

– ୧୬ ବର୍ଷ ହେଲା କଂଗ୍ରେସରେ ଥାଇ ସଂଗଠନ କରିଥିବା ଏବଂ ସମାଜସେବୀ ରମେଶ ପୁରୋହିତଙ୍କୁ ପ୍ରାର୍ଥୀ କରିଛି କଂଗ୍ରେସ

– ବିଜେପି ପ୍ରାର୍ଥୀ କନକ ବର୍ଦ୍ଧନ ସିଂହଦେଓ ୫ ଥରର ବିଧାୟକ ଏବଂ ବର୍ତମାନ ବିଧାୟକ ଦଳ ନେତା ଅଛନ୍ତି

୨୦୧୪ର ଲଢେଇ
– ମୈଦାନରେ ଥିଲେ ମୋଟ ୭ ପ୍ରାର୍ଥୀ
– ମୋଟ ଭୋଟର ସଂଖ୍ୟା – ୨ ଲକ୍ଷ ୫୨ ହଜାର ୭୩୮
– ମତ ଦେଇଥିଲେ – ୧ ଲକ୍ଷ ୮୩ ହଜାର ୨୯୫
– ଭୋଟଦାନ ହାର – ୭୨.୫୨%

୨୦୧୪ର ଫଳାଫଳ
ପ୍ରାର୍ଥୀ                               ଦଳ            ଭୋଟ          ପ୍ରତିଶତ         ଫଳାଫଳ
ପ୍ରକୃତି ଦେବୀ ସିଂଦେଓ       ବିଜେଡି         ୬୦,୭୧୯       ୩୩.୧୩%      ପରାସ୍ତ
କିଶୋର କୁମାର ପରିଛା     କଂଗ୍ରେସ        ୩୩,୬୯୭     ୧୮.୩୮%       ପରାସ୍ତ
କନକ ବର୍ଦ୍ଧନ ସିଂହଦେଓ     ବିଜେପି         ୭୪,୩୭୨       ୪୦.୫୮%       ବିଜୟ

କିଏ ମାରିଥିଲା ବାଜି?
– ବିଜେପିର କନକ ବର୍ଦ୍ଧନ ସିଂହଦେଓ ନିର୍ବାଚନ ଜିତିଥିଲେ
– ୭୪ ହଜାର ୩୭୨ ଖଣ୍ଡ ଭୋଟ ପାଇଥିଲେ ବିଜେପି ପ୍ରାର୍ଥୀ
– ବିଜେଡ଼ି ପ୍ରାର୍ଥୀ ପ୍ରକୃତି ଦେବୀ ସିଂହଦେଓଙ୍କୁ ପରାସ୍ତ କରିଥିଲେ
– ୧୩ ହଜାର ୬୫୩ ଭୋଟ ବ୍ୟବଧାନରେ ବିଜୟୀ ହୋଇଥିଲେ
– ୫ ଜଣ ପ୍ରାର୍ଥୀ ଅମାନତ୍ ହରାଇଥିଲେ

ପାଟଣାଗଡ ବିଧାନସଭା ଆସନ
– ୧୯୫୧ରେ ଗଠନ ହୋଇଥିଲା ପାଟଣାଗଡ ନିର୍ବାଚନମଣ୍ଡଳୀ
– ବଲାଙ୍ଗୀର ଲୋକସଭା କ୍ଷେତ୍ର ଅର୍ନ୍ତଭୁକ୍ତ
– ବିଜେପିର ଦବଦବା ରହିଛି
– ବିଜେପିରୁ କନକ ବର୍ଦ୍ଧନ ସିଂହଦେଓ ୫ ଥର ବିଧାୟକ (୧୯୯୫ରୁ ଅଛନ୍ତି)
– ବିଜେଡି ଏଠାରେ ଖାତା ଖୋଲିନାହିଁ

Comments are closed.