ପାଟଣାଗଡ଼ ପାର୍ସଲ ବୋମା ଘଟଣାର ଅଭିଯୁକ୍ତ ପୁଞ୍ଜିଲାଲ ମେହେର ପଢ଼ିବେ ସାମ୍ବାଦିକତା ପାଠ। ଜେଲରେ ଥାଇ ପାଠପଢ଼ିବା ନେଇ କଲେ ଆବେଦନ।

କନକ ବ୍ୟୁରୋ: ବହୁଚର୍ଚ୍ଚିତ ପାଟଣାଗଡ଼ ପାର୍ସଲ ବୋମା ଘଟଣାର ଅଭିଯୁକ୍ତ ପୁଞ୍ଜିଲାଲ ମେହେର ପଢ଼ିବେ ସାମ୍ବାଦିକତା । ଜେଲରେ ଥାଇ ପାଠପଢ଼ିବା ନେଇ ଆବେଦନ କରିଛନ୍ତି ପୁଞ୍ଜିଲାଲ । ଭୁବନେଶ୍ୱର ୟୁନିଟ୍-୬ ସ୍ଥିତ ଷ୍ଟଡି ସେଣ୍ଟରରେ ସେ ପାଠ ପଢ଼ିବା ପାଇଁ ଆବେଦନ କରିଥିବା ସୂଚନା ରହିଛି । ଆବେଦନ କରିଥିବା ଯୋଗୁଁ ତାଙ୍କୁ ଜେଲ ମାନୁଏଲ ଅନୁସାରେ ପାଠ ପଢ଼ିବା ପାଇଁ ସୁଯୋଗ ଦିଆଯିବ । ଓଡ଼ିଶା ରାଜ୍ୟ ମୁକ୍ତ ବିଶ୍ୱବିଦ୍ୟାଳୟର ସେ ଏହି ସାମ୍ବାଦିକତା ପାଠ ପଢ଼ିିବା ପାଇଁ ଆବେଦନ କରିଛନ୍ତି । ଏନେଇ ସୂଚନା ଦେଇଛନ୍ତି ଓଡ଼ିଶା ରାଜ୍ୟ ମୁକ୍ତ ବିଶ୍ୱବିଦ୍ୟାଳୟର କୁଳପତି ଅର୍କକେଶରୀ ଦାସ ମହାପାତ୍ର ।