ବଡ ବ୍ୟବଧାନରେ ଜିତିଲା ବିଜେଡି: ଗଡ ରକ୍ଷା କଲା, ପାଟକୁରାରେ ବିଜୟ ବାନା ଉଡାଇଲା । ୧୭, ୬୫୫ ଭୋଟରେ ସାବିତ୍ରୀ ଆଗୁଆ
କନକ ବ୍ୟୁରୋ: ପାଟକୁରାରେ ପୁଣି ଶୁଭିଲା ଶଙ୍ଖଧ୍ୱନି । ପାଟକୁରା ପବନରେ ଖେଳିଲା ଶଙ୍ଖର ବିଜୟ ଧ୍ୱନି । ବିଜେଡି ଗଡରେ ପୁଣି ବିଜୟ ବାନା ଉଡାଇଲା ବିଜେଡି । ବିଜୟଙ୍କ ସ୍ୱପ୍ନକୁ ଧୂଳିସାତ କରି ବିଜୟଟୀକା ପିନ୍ଧିଲେ ସାବିତ୍ରୀ । ସ୍ୱାଭିମାନ-ସମ୍ମାନ ଲଢେଇରେ ସାବିତ୍ରୀ ପାଇଲେ ସଫଳତା । ବିଜୟ ମହାପାତ୍ରଙ୍କୁ ମାତ ଦେଇ ବିଜୟ ମୁକୁଟ ପିନ୍ଧିଲେ ସାବିତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ତେବେ ୧୮ ରାଉଣ୍ଡ ଅର୍ଥାତ ଶେଷ ରାଉଣ୍ଡରେ ସାବିତ୍ରୀ ବିଜୟଙ୍କ ଠାରୁ ୧୭ ହଜାର ୬୫୫ ଭୋଟରେ ଆଗରେ ରହି ବିଜୟୀ ହୋଇଛନ୍ତି । ସାବିତ୍ରୀ ଙ୍କୁ ମୋଟ ୯୫ ହଜାର ୧୬୨ ଖଣ୍ଡ ଭୋଟ ମିଳିଛି ।
ସେହିପରି ୭୭ ହଜାର ୫୦୭ ଖଣ୍ଡ ଭୋଟରେ ଅଟକିଛି ବିଜୟଙ୍କ ରଥ । ୭୭, ୫୦୭ ଖଣ୍ଡ ଭୋଟ ପାଇ ହାରିଛନ୍ତି ବିଜୟ । ପାଟକୁରାରୁ ଜିତି ବିଜୟ ବିଧାନସଭା ଆସିବାକୁ ଯେଉଁ ସ୍ୱପ୍ନ ଦେଖିଥିଲେ ତାହା ଧୂଳିସାତ ହୋଇଛି । ଏଥର ନିର୍ବାଚନ ଜିତି ଦୀର୍ଘ ୨୦ ବର୍ଷର ସ୍ୱପ୍ନକୁ ସାକାର କରିବାକୁ ଗୋଡ କାଢି ବସିଥିବା ବିଜୟ ରଥରେ ବ୍ରେକ ଲଗାଇଛନ୍ତି ସାବିତ୍ରୀ । ଶେଷରେ ବିଜୟଙ୍କୁ ପରାଜୟର ସ୍ୱାଦ ଚାଖିବାକୁ ପଡିଛି ।
ଅନ୍ୟପଟେ କଂଗ୍ରେସ ଅମାନତ ହରାଇଛି । ରେସର ବହୁ ପଛରେ ରହିଥିବା କଂଗ୍ରେସ ଶେଷରେ ମାଟି କାମୁଡି ପଡିଛି । କଂଗ୍ରେସ ପ୍ରାର୍ଥୀ ଜୟନ୍ତ ମହାନ୍ତିଙ୍କୁ ମିଳିଛି ମାତ୍ର ୨୦୯୦ ଖଣ୍ଡ ଭୋଟ । ତେବେ କଂଗ୍ରେସର ଶୋଚନୀୟ ପରାଜୟ ପରେ ପାଟକୁରାରେ ବିଜେପି- ବିଜେଡି ମଧ୍ୟରେ ଫାଇଟ ହେଉଥିବା ସ୍ପଷ୍ଟ ବାରି ହୋଇ ପଡିଛି ।