ଧର୍ମଶାଳା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଅଭାବନୀୟ ଘଟଣା । ଡାକ୍ତରଙ୍କ ଭୁଲ ଅପରେସନ ପାଇଁ ମହିଳାଙ୍କ ଜୀବନ ଯାଇଥିବା ଅଭିଯୋଗ
କନକ ବ୍ୟୁରୋ: ଡାକ୍ତରଙ୍କ ଭୁଲ ଅପରେସନ ପାଇଁ ଗଲା ମହିଳାଙ୍କ ଜୀବନ । ଏହାକୁ ନେଇ ଗାଁ ଲୋକେ ଡାକ୍ତରଖାନାରେ ବ୍ୟାପକ ଭଙ୍ଗାରୁଜା କରିଥିବା ଅଭିଯୋଗ ହୋଇଛି । ଏଭଳି ଏକ ଅଭାବନୀୟ ଘଟଣା ଘଟିଛି ଯାଜପୁର ଜିଲ୍ଲା ଧର୍ମଶାଳା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ଭୂବନ ଗାଁର ଅଂଜଳି ବେହେରା ପ୍ରସବ ପାଇଁ ୧୦୨ ଆମ୍ବୁଲାନ୍ସରେ ଯାଜପୁର ଜିଲ୍ଳା ଧର୍ମଶାଳା ଗୋଷ୍ଠୀ ସ୍ୱାସ୍ଥ୍ୟକେନ୍ଦକୁ ଆସିଥିଲେ । ପ୍ରସବ କରିବାପାଇଁ ଡାକ୍ତରଖାନା ଇନଚାର୍ଜରେ ଥିବା ଡାକ୍ତର ମାନସ ରଂଜନ ସ୍ୱାଇଁ ମହିଳାଙ୍କୁ ଇଂଜେକ୍ସନ ଦେଇଥିଲେ ଏବଂ ଭେନ କାଟଥିଲେ । ଫଳରେ ଶିଶୁ ଜନ୍ମ ହେଲା ପରେ ରକ୍ତ ପ୍ରବାହ ବନ୍ଦ ହୋଇନଥିଲା ।
ଏହାକୁ ଦେଖି ମହିଳାଙ୍କୁ କଟକ ବଡମେଡିକାଲ ସ୍ଥାନାନ୍ତରଣ କରିଥିଲେ ଡାକ୍ତର । ରାସ୍ତାରେ ମହିଳାଙ୍କ ମୃତ ହୋଇଥିଲା । ଉତ୍ୟକ୍ତ ଗାଁ ଲୋକେ ରାତି ୧୧ଟାରେ ଡାକ୍ତରଖାନା ଆସିଥିଲେ । ଡାକ୍ତରଖାନା ସମ୍ମୁଖରେ ଟାୟାର ଜାଳି ପ୍ରତିବାଦ କରିଥିଲେ ଏବଂ ଡାକ୍ତରଖାନାରେ ବ୍ୟପକ ଭଙ୍ଗାରୁଜା କରିଥିଲେ ।