କରୋନାର କରୁଣ କାହାଣୀ : ମୃତ୍ୟୁର କାରଣ ଅସ୍ପଷ୍ଟ ଥିଲେ ବି ସଂକ୍ରମଣ ଭୟରେ ଶବକୁ ଛୁଇଁଲେନି କେହି; ଟ୍ରଲିରେ ମା’ଙ୍କୁ ନେଇ ମଶାଣୀରେ ପହଂଚିଲେ ପୁଅ
ଆସିଲେନି ସାହି ପଡ଼ିଶା, ସ୍ୱେଚ୍ଛାସେବୀଙ୍କ ସହାୟତାରେ ହେଲା ଅନ୍ତ୍ୟେଷ୍ଟି
କନକ ବ୍ୟୁରୋ : ସାମ୍ନାକୁ ଆସିଲା କରୋନା ସମୟର କରୁଣ କାହାଣୀ । ସମ୍ବଲପୁରରେ ଜଣେ ମହିଳାଙ୍କ ମୃତ୍ୟୁ ପରେ ଅନ୍ତିମ ସଂସ୍କାର ପାଇଁ ମିଳିଲାନି ୪କାନ୍ଧ । ମହିଳାଙ୍କର କିଛି ଦିନ ତଳେ ଜ୍ବର ହୋଇଥିଲା । କୌଣସି କରଣରୁ ତାଙ୍କର ମୃତ୍ୟୁ ହୋଇଛି । ମହିଳାଙ୍କ ପୁଅ ତାଙ୍କ ମା’ଙ୍କ ମୃତ୍ୟୁ ପରେ କାନ୍ଧ ଦେବା ପାଇଁ ସାହିପଡ଼ିଶାଙ୍କୁ ଡ଼ାକିଲେ ମଧ୍ୟ କେହି କାନ୍ଧ ଦେବାକୁ ଆସିନଥିଲେ ।
Kanak News is now on WhatsApp
Join and get latest news updates delivered to you via WhatsApp
ଫଳରେ ମହିଳାଙ୍କ ପୁଅ ଏକ ଟ୍ରଲିରେ ତାଙ୍କ ମା’ଙ୍କ ମୃତଦେହ ମଶାଣିକୁ ନେବା ବେଳେ କିଛି ସ୍ୱେଚ୍ଛାସେବୀ ତାଙ୍କୁ ସାହାଯ୍ୟ କରିଛନ୍ତି । ଏଭଳି ଦୃଶ୍ୟ ସମ୍ବଲପୁର ଚିପିଲିମା ଅଂଚଳରୁ ସାମ୍ନାକୁ ଆସିଛି । ସାରା ବିଶ୍ୱରେ କରୋନା ସଂକଟ ଜାରି ରହିଥିବାବେଳେ ଏଭଳି କରୁଣ ଦୃଶ୍ୟ ସାମ୍ନାକୁ ଆସିଛି । କରୋନା ସଂକ୍ରମଣ ଭୟରେ ଶବକୁ ଛୁଇଁବାକୁ ମନା କରୁଛନ୍ତି ଲୋକେ ।