ରାମଦେବଙ୍କ ପାଇଁ ବଢୁଛି ଅଡୁଆ : ରାଜସ୍ଥାନ ପରେ ମହାରାଷ୍ଟରେ ବି କରୋନିଲ ବ୍ୟାନ, ଆୟୁଷ ମନ୍ତ୍ରଣାଳୟ ବି କରିସାରିଛି ଆପତ୍ତି; ମଙ୍ଗଳବାରଦିନ କରୋନାର ଫଳପ୍ରଦ ଔଷଧ କରୋନିଲ ବୋଲି ଦାବି କରିଥିଲା ପତଞ୍ଜଳି
କନକ ବ୍ୟୁରୋ : ପତଞ୍ଜଳିର କରୋନିଲ ଔଷଧ ନେଇ ବିବାଦ ବଢିବାରେ ଲାଗିଛି । ରାଜସ୍ଥାନ ପରେ ମହାରାଷ୍ଟ୍ର ମଧ୍ୟ ଔଷଧ ଉପରେ ବ୍ୟାନ ଲଗାଇଛି । ରାଜ୍ୟର ଗୃହମନ୍ତ୍ରୀ କହିଛନ୍ତି, କରୋନିଲର କ୍ଲିନିକାଲ ଟ୍ରାଏଲ ନେଇ କିଛି ବି ପ୍ରମାଣ ନଥିବାରୁ ମହାରାଷ୍ଟ୍ରରେ କରୋନିଲ ବିକ୍ରି ଉପରେ ପ୍ରତିବନ୍ଧକ ଲଗାଯାଇଛି । ମଙ୍ଗଳବାରଦିନ ବାବ ରାମଦେବ ଦାବି କରିଥିଲେ, କରୋନାର ଉପଚାରରେ ଆୟୁର୍ବେଦ ଔଷଦ କରୋନିଲ ଫଳପ୍ରଦ ହେବ । ଏହାପରେ ଔଷଧ ବିକ୍ରି ନେଇ ଆପତ୍ତି କରିଥିଲା ଆୟୁଷ ମନ୍ତ୍ରଣାଳୟ । ଏହାର ବିଜ୍ଞାପନ ଉପରେ ପ୍ରତିବନ୍ଧକ ଲଗାଇବା ସହ ଯାଂଚ ପାଇଁ ବି ନିର୍ଦ୍ଦେଶ ଦେଇଥିଲା ମନ୍ତ୍ରଣାଳୟ । ପୂର୍ବରୁ ରାଜସ୍ଥାନ ଏହି ଔଷଧ ବିକ୍ରି ଉପରେ ପ୍ରତିବନ୍ଧକ ବି ଲଗାଇସାରିଛି ।
Kanak News is now on WhatsApp
Join and get latest news updates delivered to you via WhatsApp
ରାଜସ୍ଥାନ ସରକାର କହିଥିଲେ, ଆୟୁଷ ମନ୍ତ୍ରଣାଳୟର ବିନା ଅନୁମତିରେ କୌଣସି ଆୟୁର୍ବେଦ ଔଷଧକୁ ବିକ୍ରି ପାଇଁ ଅନୁମତି ଦିଆଯିବ ନାହିଁ । ଏପରିକି ଏଭଳି ବିକ୍ରି ହେଲେ ବିକ୍ରେତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବ ବୋଲି ରାଜସ୍ଥାନ ସରକାର କରିଥିଲେ । ଉତ୍ତରାଖଣ୍ଡର ଆୟୁର୍ବେଦ ବିଭାଗ ବି ପତଞ୍ଜଳିର ଦାବିକୁ ଭୁଲ ବୋଲି କହିସାରିଛି ।