କଥା ରଖିଲେ ରେବନ୍ତ ରେଡ୍ଡି । ମୁଖ୍ୟମନ୍ତ୍ରୀଙ୍କ ସରକାରୀ ବାସଭବନ ଆଗରେ ଥିବା ଲୁହା ବ୍ୟାରିକେଡକୁ ଭାଙ୍ଗିଲେ ଦଳୀୟ କର୍ମୀ । ସରକାରକୁ ଆସିଲେ ବ୍ୟାରିକେଡ୍ ଭାଙ୍ଗିବେ କହିଥିଲେ ।
କନକ ବ୍ୟୁରୋ: କଥା ଯେମିତି କାମ ସେମିତି । ନିର୍ବାଚନ ସମୟରେ ଯେଉଁ କଥା କହୁଥିଲେ, ଅବିକଳ ସେଇଆ କରିଛନ୍ତି ତେଲେଙ୍ଗାନାର ନୂଆ ମୁଖ୍ୟମନ୍ତ୍ରୀ ରେଭନ୍ତ ରେଡ୍ଡି । ମୁଖ୍ୟମନ୍ତ୍ରୀଙ୍କ ସରକାରୀ ବାସଭବନ ଆଗରେ ଥିବା ଲୁହା ବ୍ୟାରିକେଡ୍କୁ ଭାଙ୍ଗି ଦେଇଛନ୍ତି କଂଗ୍ରେସ କର୍ମୀ । ଏହି ଲୁହା ବ୍ୟାରିକେଡ୍ ଭାଙ୍ଗିବା ପାଇଁ ରେଭନ୍ତ ରେଡ୍ଡି ନିର୍ବାଚନ ସମୟରେ କହୁଥିଲେ । ଏହି ବ୍ୟାରିକେଡ ଜନତା ଓ ସରକାର ଭିତରେ ବାଡ଼ ଭଳି ଠିଆ ହୋଇଛି, ଏହା ହଟିବା ଦରକାର ବୋଲି କହୁଥିଲେ । ମୁଖ୍ୟମନ୍ତ୍ରୀଙ୍କ ଭବନକୁ ଲୋକଙ୍କ ପାଇଁ ଖୋଲି ଦିଆଯିବ ବୋଲି ରେଭନ୍ତ ରେଡ୍ଡି କରୁଥିଲେ । ସତକୁ ସତ ସେଇଆ ହୋଇଛି । ଗୁରୁବାର ସକାଳେ କଂଗ୍ରେସର ଅନେକ ସମର୍ଥକ ଆସି, ଲୁହା ବ୍ୟାରିକେଡ୍କୁ ଲୁହା କଟର୍ରେ କାଟିଦେଇଥିଲେ । ପୁଲିସ ଉପସ୍ଥିତିରେ ଲୁହା ବ୍ୟାରିକେଡ୍କୁ ହଟାଯାଇଛି । ସରକାରକୁ ଆସିଲେ ପ୍ରଥମେ ଏହି ବ୍ୟାରିକେଡ୍ ହଟାଇବି ବୋଲି କହିଥିଲେ ରେଭନ୍ତ ରେଡ୍ଡି ।
Kanak News is now on WhatsApp
Join and get latest news updates delivered to you via WhatsApp
ପ୍ରଗତୀ ଭବନ ଭାବେ ପରିଚିତ ଥିବା ତେଲେଙ୍ଗାନା ମୁଖ୍ୟମନ୍ତ୍ରୀଙ୍କ ସରକାରୀ ବାସଭବନ ଆଗରେ ଏକ ଲୁହା ବ୍ୟାରିକେଡ୍୍ ଲାଗିଥିଲା । ଯେଉଁ ବ୍ୟାରିକ୍ୟାଡ୍କୁ ଲଗାଇଥିଲେ ପୂର୍ବତନ ମୁଖ୍ୟମନ୍ତ୍ରୀ କେ. ଚନ୍ଦ୍ରଶେଖର ରାଓ । ତେଲେଙ୍ଗାନା ପ୍ରଦେଶ ଗଠନ ହେବା ଦିନଠାରୁ ଦୀର୍ଘ ୧୦ ବର୍ଷ ଧରି କ୍ଷମତାରେ ରହିଥିଲେ କେସିଆର । ହେଲେ ବିଧାନସଭା ନିର୍ବାଚନରେ ବିଆର୍ଏସ୍ ଦଳ ପରାସ୍ତ ହୋଇଛି ।