କନକ ବ୍ୟୁରୋ : ରାଜନେତା, ସାମ୍ବାଦିକ ଓ ଅନ୍ୟ ଲୋକଙ୍କ ଫୋନ ଟ୍ୟାପିଂ ମାମଲାକୁ ନେଇ ଏବେ ସଂସଦରେ ଆଲୋଚନା ଜୋର ଧରିଛି । କଂଗ୍ରେସ ପକ୍ଷରୁ ଏହି ମାମଲାରେ ସଂସଦୀୟ ସମିତି ଦ୍ୱାରା ଯାଂଚ କରାଇବା ସହ ଗୃହମନ୍ତ୍ରୀଙ୍କ ଇସ୍ତଫା ଦାବି କରିଛି । ଏହି ମାମଲାରେ ସଂସଦୀୟ ସମିତିରେ ଜୋରଦାର ଆଲୋଚନା ହେବ ବୋଲି ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ଏନେଇ ସୂଚନା ପ୍ରଦ୍ୟୋଗିକ ମନ୍ତ୍ରଣାଳୟ ସହିତ ଜଡିତ ସ୍ଥାୟୀ କମିଟିର ବୈଠକ ଜୁଲାଇ ୨୮ ତାରିଖରେ ହେବ ବୋଲି ସୂଚନା ମିଳିଛି । ଏନେଇ ସୂଚନା ପ୍ରଦ୍ୟୋଗିକ, ଗୃହ ଓ ସୂଚନା ମନ୍ତ୍ରଣାଳୟର ଅଧିକାରୀମାନଙ୍କୁ ବୈଠକକୁ ଆସିବାକୁ କୁହାଯାଇଛି । ଏହି ବୈଠକରେ ଏଜେଣ୍ଡା ଭାବେ ‘ନାଗରିକଙ୍କ ଡାଟା ସୁରକ୍ଷା ଓ ପ୍ରାଇଭେସୀ’ ରଖା ଯାଇଛି । କମିଟି ସହିତ ଜଡିତ ସୂଚନା ମୁତାବକ ଏହି ବୈଠକରେ ଇଜ୍ରାଇଲ ସଫ୍ଟୱେୟାର କମ୍ପାନୀ ପେଗାସସ୍ ର ବ୍ୟବହାର କରି ଫୋନ ଟ୍ୟାପିଂ ମାମଲାରେ ବିଭାଗୀୟ ଅଧିକାରୀଙ୍କୁ ପ୍ରଶ୍ନ ପଚରାଯିବ ।
ଏହି କମିଟିର ଅଧ୍ୟକ୍ଷ ଥିବା କଂଗ୍ରେସ ନେତା ଶଶୀ ଥରୁର୍ ଦୁଇଦିନ ହେବ ସରକାରଙ୍କୁ ଏହି ପ୍ରସଙ୍ଗରେ ବିଭିନ୍ନ ପ୍ରଶ୍ନ ପଚାରିଛନ୍ତି । ସେ କହିଛନ୍ତି କି ସରକାର ଯଦି କହୁଛନ୍ତି ଏହି ଗୁପ୍ତଚର ଘଟଣା ପଛରେ ତାଙ୍କର ହାତ ନାହିଁ ତେବେ ସରକାର ତୁରନ୍ତ ଏହାର ଯାଂଚ କରି ଲୋକମାନଙ୍କ ପାଖରେ ସ୍ପଷ୍ଟ କରନ୍ତୁ ଯେ ଏଭଳି ସମ୍ବେଦନଶୀଳ ମାମଲା ପଛରେ କାହାର ହାତ ରହିଛି । ଏହାସହ ପେଗାସସ୍ ପକ୍ଷରୁ ଏକ ବୟାନ ଜାରି କରି କୁହାଯାଇଛି କି କମ୍ପାନୀ ସରକାରଙ୍କ ବିନା ଅନୁମତିରେ ଏହି ସଫ୍ଟୱେୟାର କାହାକୁ ବିକ୍ରି କରିପାରିବେ ନାହିଁ । ଏହାକୁ ନେଇ ଶଶି ଥରୁର୍ କହିଛନ୍ତି ପେଗାସସର ବୟାନ ଜଦି ଠିକ୍ ତାହେଲେ ଖୁବଶୀଘ୍ର ଏହା ପ୍ରମାଣ ହୋଇପାରିବ କି କିଏ ପେଗାସସ୍ ସଫ୍ଟ ୱେୟାର କିଣିଛି ।