ପରୀକୁ ମାରିଛି କିଏ ? ପିଶାଚ ପାଖେ ପହଞ୍ଚାଇବ କି ରକ୍ତ ନମୁନା । ଯଦୁପୁର ଗାଁର ୨୮ ଯୁବକଙ୍କ ରକ୍ତନମୁନା ସଂଗ୍ରହ କଲା ଏସଆଇଟି ।
କନକ ବ୍ୟୁରୋ: ପରୀ ମାମଲାରେ ଏସଆଇଟିର ତନାଘନା ଜାରି ରହିଛି, ହେଲେ ସେପରି କିଛି ବଡ଼ ସୁରାଗ ଏପର୍ଯ୍ୟନ୍ତ ତଦନ୍ତକାରୀ ଟିମକୁ ମିଳିନାହିଁ । ହତ୍ୟାକାରୀ ନିକଟରେ ପହଂଚିବା ପାଇଁ ଭିନ୍ନ ଭିନ୍ନ ଉପାୟ ଅବଲମ୍ବନ କରୁଛି । ତେବେ ମର୍ଡର ପ୍ଲଟ୍ ପାଖରେ ପହଁଚିପାରିନି ଏସଆଇଟି । ଯଦୁପୁର ଗାଁର ୧୫ରୁ ୩୦ ବର୍ଷ ବୟସ୍କ ୨୮ ଯୁବକଙ୍କ ରକ୍ତ ନମୁନା ସଂଗ୍ରହ କରିଛି ଏସଆଇଟି । କାହିଁକି ରକ୍ତ ନମୁନା ସଂଗ୍ରହ ହେଉଛି, ଏ ନେଇ ଏସଆଇଟି କିଛି କହୁନାହିଁ ।
Kanak News is now on WhatsApp
Join and get latest news updates delivered to you via WhatsApp
ତେବେ ଅନୁମାନ କରାଯାଉଛି ଯେ ପରୀ ହତ୍ୟାରେ ବ୍ୟବହୃତ ଅସ୍ତ୍ରଶସ୍ତ୍ର, କପଡ଼ା କିମ୍ବା ଅନ୍ୟ କୌଣସି ଜିନିଷରୁ ଯଦି କୌଣସି ବ୍ୟକ୍ତିର ରକ୍ତ ନମୁନା ମିଳିଥିବ, ସେଭଳି ସ୍ଥିତିରେ ରକ୍ତ ନମୁନାରୁ ବଡ଼ ସୁରାଗ ମିଳିପାରେ । କେବଳ ରକ୍ତ ନମୁନା ନୁହେଁ, ଗାଁ ଲୋକଙ୍କ ପ୍ରୋଫାଇଲ ବି ପ୍ରସ୍ତୁତ କରୁଛି ଏସଆଇଟି । ଗାଁରେ କେଉଁମାନେ ରହିଛନ୍ତି, ପରୀର ହତ୍ୟା ସମୟ ପୂର୍ବରୁ ଓ ପରେ କେଉଁମାନେ ଗାଁକୁ ଆସିଛନ୍ତି ବା ଗାଁରୁ ଯାଇଛନ୍ତି, ତା’ର ଟିକିନିଖି ତଥ୍ୟ ରଖାଯାଉଛି । କୌଣସି ଠୋସ ପ୍ରମାଣ ନଥିବାରୁ ମାମଲାର ସମାଧାନ ଏସଆଇଟି ପାଇଁ ବଡ଼ ଚ୍ୟାଲେଂଜ ହୋଇଛି ।
ସେପଟେ ମାମଲାର ସମାଧାନ ପାଇଁ ଏସଆଇଟି ମୁଖ୍ୟ ଅରୁଣ ବୋଥ୍ରା ଦୁଇ ସପ୍ତାହ ସମୟ ମାଗିଥିଲେ । ତେଣୁ ସମସ୍ତ ଦିଗକୁ ନଜରରେ ରଖି ତଦନ୍ତ ଆଗକୁ ନେଉଛି ଏସଆଇଟି । ଏପଟେ ଭୁବନେଶ୍ୱରରେ ପରୀ ମୃତ୍ୟୁ ମାମଲାରେ ମନ୍ତ୍ରୀ ଅରୁଣ ସାହୁଙ୍କ ବହିଷ୍କାର ଦାବିରେ ଆନ୍ଦୋଳନ କରିଛି ବିଜେପି ।