ପରୀ ଅଭିଯୁକ୍ତର ସ୍ୱୀକାରୋକ୍ତି ପରେ ପଲିଟିକ୍ସ: ବିଜେଡି କହିଲା, ଲୋକଙ୍କୁ ବିଭ୍ରାନ୍ତ କରିଥିବାରୁ କ୍ଷମା ମାଗୁ ବିଜେପି, ସେପଟେ ବିଜେପି କହିଲା ଭୁଲ୍ ତଥ୍ୟ ଦେଇଛି ଏସଆଇଟି, କ୍ଷମା ମାଗନ୍ତୁ ସରକାର ।

କନକ ବ୍ୟୁରୋ: ପରୀ ମାମଲାରେ କିଏ ମାଗିବ କ୍ଷମା । ଏହାକୁ ନେଇ ବିଜେଡି-ବିଜେପି କଥା କଟାକଟି । ପରୀ ହତ୍ୟା ମାମଲାରେ ଅଭିଯୁକ୍ତର ହତ୍ୟାକାଣ୍ଡ ନେଇ ସ୍ୱୀକାରୋକ୍ତି ଭିଡିଓ ସାମ୍ନାକୁ ଆସିବା ପରେ ବିଜେପି ଉପରେ ଆକ୍ରମଣ କରିଛି ବିଜେଡି । ସରକାରୀ ଦଳ ମୁଖ୍ୟ ସଚେତକ ପ୍ରମିଳା ମଲ୍ଲିକ ଏନେଇ ବିଜେପି ରାଜ୍ୟବାସୀଙ୍କୁ କ୍ଷମା ମାଗୁ ବୋଲି କହିଛନ୍ତି । ସେପଟେ ଏହାର ଜବାବ ଦେଇଛି ବିଜେପି । ସରକାର ଏଥିପାଇଁ କ୍ଷମା ମାଗନ୍ତୁ, ଭୁଲ୍ ତଥ୍ୟ ଦେଇ ଏସଆଇଟି ଅଭିଯୁକ୍ତକୁ ସାବାଳକ ଦର୍ଶାଇଥିବାରୁ ଏସଆଇଟି ଭୁଲ୍ ମାଗୁ ବୋଲି କହିଛି ବିଜେପି ଦଳ ମୁଖ୍ୟ ସଚେତକ ମୋହନ ମାଝି ।