୫ବର୍ଷ ପୂର୍ବେ ସହିଦ ହୋଇଥିବା ଯବାନଙ୍କ ସମାଧି ଦେଖି ଆଶ୍ଚର୍ଯ୍ୟ ହୋଇଗଲେ ବାପା ମା’ । ଜାଣନ୍ତୁ ଏମିତି କ’ଣ ହୋଇଥିଲା ।
୧୬ ବର୍ଷ ଧରି ଦେଶ ପାଇଁ ସେବା କଲା ପରେ ଯବାନ ଜୋସେଫ ବିଲାସେନର ସହିଦ ହୋଇଯାଇଥିଲେ । ଜୋସେଫ ଆମେରିକା ଏୟାରଫୋର୍ସର ଜଣେ ଯବାନ ଥିଲେ । ଜୋସେଫଙ୍କୁ ସହିଦ ହେବାର ୫ ବର୍ଷ ବିତିଯାଇଛି ସ. କିନ୍ତୁ ତାଙ୍କ ବାପା ମା ସବୁବେଳେ ତାଙ୍କ ସମାଧି ପାଖକୁ ଯାଇଥାନ୍ତି । ତାଙ୍କ ପୁଅ ସହିଦ ହେବାରେ ତାଙ୍କୁ ଗର୍ବ ଥିଲା ସତ କିନ୍ତୁ ତାଙ୍କ ପୁଅ ଆଉ ଦୁନିଆରେ ନଥିବା ସତ୍ୟତାକୁ ସେ ସହି ପାରୁନଥିଲେ ।
Kanak News is now on WhatsApp
Join and get latest news updates delivered to you via WhatsApp
ଥରେ ଖରାବେଳ ସମୟରେ ଯେତେବେଳେ ସେମାନେ ପୁଅର ସମାଧି ପାଖରେ ପହଞ୍ଚିଥିଲେ, ସେତେବେଳେ ସେ ଯାହା ଦେଖିଲେ ତାହା ତାଙ୍କୁ ଆଶ୍ଚର୍ଯ୍ୟ କରିଦେଇଥିଲା । ସେମାନେ ଦେଖିଥିଲେ ଯେ, ଖରାରେ ସବୁ ସମାଧିର ଘାସ ଶୁଖି ଯାଇଛି କିନ୍ତୁ ତାଙ୍କ ପୁଅଙ୍କ ସମାଧିର ଘାସ ସେମିତି ସବୁଜ ହୋଇରହିଛି । ଏହା ତାଙ୍କୁ ପୁରାପୁରି ଭାବେ ଆଶ୍ଚର୍ଯ୍ୟ କରିଦେଇଥିଲା । ଘଟଣା ସମ୍ପର୍କରେ ଜାଣିବା ପାଇଁ ସେ ଚର୍ଚ୍ଚ ସହ ସମ୍ପର୍କ କରିଥିଲେ ଏବଂ ଏହା ପରେ ସତ ପଦାକୁ ଆସିଥିଲା ।
ସୂଚନା ଅନୁଯାୟୀ, ଜଣେ ବ୍ୟକ୍ତି ତାଙ୍କ ପୁଅର ସମାଧିର ଭଲଭାବେ ଯତ୍ନ ନେଉଥିଲା । ସେହି ୮୬ ବର୍ଷିୟ ବ୍ୟକ୍ତି ଜେକଙ୍କ ପାଇଁ ହିଁ ତାଙ୍କ ପୁଅଙ୍କ ସମାଧି ସବୁଜ ହୋଇ ରହିଥିଲା । ସେ ପ୍ରତିଦିନ ସେଠାରେ ପାଣି ଢାଳୁଥିଲେ ଏବଂ ସେହି ସ୍ଥାନକୁ ପରିଷ୍କାର ମଧ୍ୟ ରଖୁଥିଲେ । ତେବେ ଏହାର କାରଣ ଜେକଙ୍କୁ ଜୋସେଫଙ୍କ ବାପା ମା ପଚାରିଥିଲେ । ଜେକ କହିଥିଲେ ଯେ, ତାଙ୍କ ପତ୍ନୀଙ୍କର ମୃତ୍ୟୁ ୨୦୧୪ ମସିହାରେ ହୋଇଥିଲା ଯେତେବେଳେ କି ତାଙ୍କୁ ୬୫ ବର୍ଷ ହୋଇଥିଲା । ସେ ତାଙ୍କ ପତ୍ନୀଙ୍କୁ ବହୁତ ପ୍ରେମ କରୁଥିଲେ ଏବଂ ପ୍ରତିଦିନ ତାଙ୍କ ସମାଧି ପାଖକୁ ଏକ ଗୋଲାପ ଫୁଲ ନେଇ ଆସୁଥିଲେ ।
ଗୋଟିଏ ଦିନ ଯେତେବେଳେ ସେ ନିଜ ପତ୍ନୀଙ୍କ ସମାଧି ପାଖରେ ପହଞ୍ଚିଥିଲେ, ସେତେବେଳେ ନିକଟରେ ଥିବା ଆଉ ଏକ ସମାଧି ପାଖରେ ଜଣେ ମହିଳା କାନ୍ଦୁଥିବାର ଦେଖିବାକୁ ପାଇଥିଲେ । ଏବଂ ସେହି ମହିଳା ଜଣଙ୍କ ସହିଦଙ୍କ ପତ୍ନୀ ମିଶ୍ ଥିଲେ । ମିଶ କହିଥିଲେ କି ତାଙ୍କ ସ୍ୱାମୀ ୧୬ ବର୍ଷ ଧରିଦେଶ ପାଇଁ ସେବା କରିବା ପରେ ସହିଦ ହୋଇଯାଇଛନ୍ତି । ଏହାପରେ ଜେକ୍ ଭାବିଥିଲେ ଯେ, ଦେଶର ସେବା କରୁଥିବାର ଯବାନଙ୍କର ସେବା ତାଙ୍କୁ କରିବା ଆବଶ୍ୟକ । ଏବଂ ସେହି ଦିନ ଠାରୁ ସେ ଜୋସେଫଙ୍କ ସମାଧିର ମଧ୍ୟ ଯତ୍ନ ନେଉଛନ୍ତି । ଏହା ଶୁଣିବା ପରେ ଯୋଶେଫଙ୍କ ବାପା ଓ ମାଙ୍କ ଆଖିରେ ଲୁହ ଚାଲିଆସିଥିଲା ।